Kapag nagbabasa tayo ng Bibliya, may magagamit tayong tools para mas maintindihan iyon. Pero hindi tayo nag-aaral para lang madagdagan ang alam natin sa Bibliya. Gusto nating makahanap ng mga espirituwal na hiyas tungkol kay Jehova para mas makilala at mahalin natin siya. Para magawa iyan, tanungin ang sarili, ‘Ano ang itinuturo sa akin ng ulat na ito tungkol kay Jehova?’

Halimbawa, puwede nating alamin kung paano ipinakita ni Jehova ang pag-ibig niya, karunungan, katarungan, at kapangyarihan. Pero marami pa siyang ibang magagandang katangian. Saan ka makakakuha ng higit pang impormasyon tungkol sa mga katangian niya?

Tingnan ang mahigit sa 50 pang katangian ni Jehova sa Watch Tower Publications Index sa ilalim ng heading na “Jehovah” at ng subheading na “Qualities by Name.” Pagkatapos, magpokus sa mga katangian na makikita sa ulat na binabasa mo. (Kung ang naa-access mo lang ay ang Tulong sa Pag-aaral ng mga Saksi ni Jehova, tingnan ang heading na “Diyos na Jehova” at ang subheading na “Katangian ni Jehova.”)