Ayon sa Catholic News Service, sa isang seremonya sa St. Peter’s Basilica na ginanap noong Marso 25, 2022, tumayo si Pope Francis sa harap ng malaking imahe ni Maria, “nakapikit [siya] at nakayuko habang tahimik na nagdadasal.” “Nakiusap [siya] kay Maria” para sa kapayapaan. Idinagdag pa ng isang report ng Vatican News na “bumigkas ang Papa ng dasal ng Pagtatalaga sa Immaculate Heart of Mary alang-alang sa mga tao, lalo na para sa Russia at Ukraine.”

 Ano sa tingin mo? Tama bang magdasal o manalangin sa mga imahen o gamitin ito sa pagsamba? Tingnan ang sumusunod na mga teksto sa Bibliya:

•   “Huwag kang gagawa para sa iyo ng inukit na imahen o ng anyo na katulad ng anumang nasa langit o nasa lupa o nasa tubig. Huwag kang yuyukod sa mga iyon o matutuksong maglingkod sa mga iyon, dahil akong si Jehova na iyong Diyos ay Diyos na humihiling ng bukod-tanging debosyon.”​—Exodo 20:4, 5. a

•   “Ang mga idolo nila ay pilak at ginto, gawa ng mga kamay ng tao. May bibig sila, pero hindi sila makapagsalita; may mata, pero hindi sila makakita; may tainga sila, pero hindi sila makarinig; may ilong, pero hindi sila makaamoy; may kamay sila, pero wala silang pakiramdam; may paa, pero hindi sila makalakad; hindi makagawa ng tunog ang lalamunan nila. Ang mga gumagawa sa kanila ay magiging gaya nila, pati na ang lahat ng nagtitiwala sa kanila.”​—Awit 115:4-8.

•   “Ako si Jehova. Iyan ang pangalan ko; hindi ko ibibigay kahit kanino ang kaluwalhatian ko, at hindi ko ibibigay sa mga inukit na imahen ang papuri para sa akin.”​—Isaias 42:8.

•   “Tumakas kayo mula sa idolatriya.”​—1 Corinto 10:14.

•   “Mag-ingat kayo sa mga idolo.”​—1 Juan 5:21.

 Para sa higit pang impormasyon tungkol sa sinasabi ng Bibliya sa paggamit ng imahen sa pagsamba, basahin ang artikulong “Ang Pangmalas ng Bibliya—Mga Imahen” o panoorin ang video na Gusto Ba ng Diyos na Gumamit Tayo ng Imahen sa Pagsamba?

 Baka gusto mo ring malaman ang sinasabi ng Bibliya tungkol sa mga paksang ito:

•   “Birheng Maria—Ano ang Sinasabi ng Bibliya Tungkol sa Kaniya?”

•   “Dapat Ka Bang Manalangin kay Birheng Maria?”

•   “Mga Himala at Aparisyon​—Tanda Buhat sa Diyos?”

•   “Kapayapaan sa Lupa—Paano?”

Photo credit: Vincenzo Pinto/AFP via Getty Images