NEW YORK—Lenaneo la thelebishene la glavny.tv le ile la bontsha bidio e mo go yone mapodise a a tlhometseng a Russia le a lephata le le kgethegileng la FSB a tsena ka dikgoka le go kgoreletsa pokano ya Basupi ba ga Jehofa kwa Oryol, Russia ka May 25, 2017.

Moagi wa kwa Denmark e bong Dennis Christensen o bonwa a bua a ritibetse maikutlo le mapodise. O ile a tshwarwa e bile o sa ntse a le mo kgolegelong a letetse go seka.

Mmueledi wa ntlokgolo ya Basupi ba ga Jehofa e bong David A. Semonian a re: “Bidio eno e bontsha sentle gore Basupi ba ga Jehofa ke batho ba ba ratang kagiso le fa mapodise a ne a ba tshosetsa le go ba kgokgontsha a leka go kgoreletsa dipokano tsa bone. Fa Kgotlatshekelo ya Makgaolakgang e sa busetse morago tshwetso ya yone ya go thibela Basupi ba ga Jehofa, mapodise a tla tswelela a gataka ditshwanelo tsa batho ka tsela eno. Gape re tshwenyegile thata ka modumedi mmogo le rona e bong Dennis Christensen ka gonne ba gana a etelwa e bile ba gana le gore mosadi a gagwe a mo founele. Re solofela gore o tla gololwa mo nakong e e sa fediseng pelo.”

Babegadikgang ba ka Ikgolaganya le:

David A. Semonian wa Ofisi ya Tshedimosetso mo nomorong ya +1-845-524-3000