O tlhoka kgakololo e o ka e ikanyang! Buka ya Dipotso Tse Basha ba di Botsang—Dikarabo Tse di Nang le Tharabololo, Bolumo 2 e na le kgakololo e e ntseng jalo. Bolumo eno e nopola se makgolokgolo a basha mo lefatsheng lotlhe ba ileng ba se bua fa ba ne ba botsolodiwa. Kgakololo e e molemo ya Baebele e ile ya ba thusa. Bona kafa e ka go thusang ka teng.

Bolumo eno e tla go thusa go araba dipotso tse di malebana le:

• Ba Bong bo Sele

• Diphetogo Tsa Botshelo

• Tse di Amanang le Botsala

• Sekolo le Balekane ba Gago

• Tsa Madi

• Batsadi ba Gago

• Tsa Maikutlo

• Boitapoloso

• Go Gola Semoyeng

O ka itseela buka eno e le ka PDF, kgotsa o ka ikopela buka e e gatisitsweng ka go kwalela kwa diofising tsa rona.

Ela tlhoko: Gone jaanong PDF ya buka eno e na le diphatlha tse o ka kwalang mo go tsone. Fa sedirisiwa sa gago se o tsenang mo Internet ka sone se na le software e e kgonang go dira jalo, o ka kwala dikakgelo le dikarabo tsa gago mo bukeng eno.