Ditiragalo wa Ntlha 26:1-32
26 Tseno e ne e le ditlhopha tsa badisa ba dikgoro:+ ba Bakora e ne e le Meshelemia+ morwa Kore wa bomorwa Asafe.
2 Mme Meshelemia o ne a na le barwa: wa leitibolo e ne e le Sekarea, wa bobedi e le Jediaele, wa boraro e le Sebadia, wa bonê e le Jathaniele,
3 wa botlhano e le Elama, wa borataro e le Jehohanane, wa bosupa e le Elieho-enai.
4 Mme Obede-edoma o ne a na le barwa: wa leitibolo e ne e le Shemaia, wa bobedi e le Jehosabade, wa boraro e le Joa, wa bonê e le Sakara, wa botlhano e le Nethanele,
5 wa borataro e le Amiele, wa bosupa e le Isakare mme wa borobedi e le Peulethai; gonne Modimo o ne a mo segofaditse.
6 Mme morwawe e bong Shemaia o ne a tsholelwa bana ba basimane ba e neng e le babusi ba dikgotla tsa bone, ka gonne e ne e le banna ba ba maatla ba ba nang le bokgoni.
7 Bomorwa Shemaia: Otheni, Refaele, Obede le Elesabade; mme bomorwarraagwe e bong Elihu le Semakia le bone e ne e le banna ba ba nang le bokgoni.
8 Bano botlhe e ne e le ba bomorwa Obede-edoma; bone le bomorwaabone le bomorwarraabone e ne e le banna ba ba nang le bokgoni e bile ba tshwanelega go direla, ba ne ba le 62.
9 Mme Meshelemia+ o ne a na le barwa le bomorwarraagwe, banna ba le 18 ba ba nang le bokgoni.
10 Hosa wa bomorwa Merari le ene o ne a na le barwa. Shimeri e ne e le tlhogo ya bone, ka gonne le fa e ne e se leitibolo, rraagwe o ne a mo tlhomile gore a nne tlhogo,
11 wa bobedi e ne e le Hilekia, wa boraro e le Tebalia, wa bonê e le Sekarea. Barwa botlhe ba ga Hosa le bomorwarraagwe ba ne ba le 13.
12 Mo ditlhopheng tseno tsa badisa ba dikgoro, dikgosana di ne di na le ditiro fela jaaka bomorwarraabone ba ne ba na le tsone, e leng go direla mo ntlong ya ga Jehofa.
13 Ka jalo, ba ne ba latlhela bola,+ yo mmotlana le yo mogolo ka go tshwana go ya ka dikgotla tsa bone; ba bo latlhelela dikgoro tsotlhe.
14 Foo bola jo bo ka fa botlhaba bo ne jwa wela Shelemia. Mme ba ne ba latlhela bola ka ga morwawe e bong Sekarea, mogakolodi yo o botlhale, mme bola jwa gagwe bo ne jwa tswela kwa bokone.
15 Jwa ga Obede-edoma bo ne jwa tswela kwa borwa, mme bomorwawe+ ba ne ba abelwa mabolokelo.
16 Jwa ga Shupime le Hosa+ bo ne jwa tswela kwa bophirima, gaufi le Kgoro ya Shalekethe fa tseleng e kgolo e e tlhatlogang, setlhopha sa badisa se lebagane le setlhopha sa badisa;
17 go ne go na le Balefi ba le barataro kwa botlhaba; kwa bokone ba ne ba le banê letsatsi le letsatsi le kwa borwa ba ne ba le banê letsatsi le letsatsi; mme kwa mabolokelong+ ba ne ba ema ka bobedi le bobedi;
18 kwa mathuding a a ka fa bophirima, go ne go na le ba banê kwa tseleng e kgolo+ le ba babedi kwa mathuding.
19 Tseno e ne e le ditlhopha tsa badisa ba dikgoro ba ba tswang mo go bomorwa Kora le Merari.
20 Mme mo Balefing, Ahija o ne a okametse mabolokelamatlotlo a ntlo ya Modimo wa boammaaruri le mabolokelamatlotlo a dilo tse di dirilweng boitshepo.*+
21 Bomorwa Ladane: bomorwa Bagereshone ka Ladane, e leng ditlhogo tsa dikgotla tsa bone tsa ga Ladane wa Mogereshone, e ne e le Jehieli+
22 le bomorwa Jehieli, e bong Sethame le Joele morwarraagwe. Ba ne ba okametse mabolokelamatlotlo a ntlo ya ga Jehofa.+
23 Go tswa mo go ba Baamerame, ba Baisehare, ba Baheberone le ba Bausiele,+
24 Shebuele morwa Gereshome morwa Moshe e ne e le ene mookamedi yo mogolo wa mabolokelo.
25 Mme mo go bomorwarraagwe, ba e neng e le ditlogolwana tsa ga Eliesere,+ go ne go na le Rehabia,+ Jeshaia, Jorame, Sikeri le Shelomothe.
26 Shelomothe yono le bomorwarraagwe ba ne ba okametse mabolokelamatlotlo otlhe a dilo tse di dirilweng boitshepo,+ tse Kgosi Dafide,+ ditlhogo tsa dikgotla tsa bone,+ baokamedi ba dikete le ba makgolo le baokamedi ba masole ba neng ba di dirile boitshepo.
27 Dilo tse di neng di tswa kwa dintweng+ le tse ba neng ba di gapile,+ ba ne ba di dira boitshepo gore ba di dirisetse go tlhokomela ntlo ya ga Jehofa;
28 gape ba ne ba okametse sotlhe se Samuele wa mmoni,*+ Saulo morwa Kishe, Abenere+ morwa Nere le Joabe+ morwa Seruia+ ba neng ba se dirile boitshepo. Sepe fela se motho ope a neng a se dira boitshepo se ne se tlhokomelwa ke Shelomithe le bomorwarraagwe.
29 Mo go ba Baisehare,+ Kenania le bomorwawe ba ne ba abetswe ditiro tsa botsamaisi tse di dirwang kwa ntle ba direla e le baokamedi e bile e le baatlhodi+ mo Iseraele.
30 Mo go ba Baheberone,+ Hashabia le bomorwarraagwe, banna ba le 1 700 ba ba nang le bokgoni, ba ne ba okametse botsamaisi jwa Iseraele mo kgaolong e e kwa bophirima jwa Joredane, e e neng e direlwa tiro yotlhe ya ga Jehofa le tirelo ya kgosi.
31 Mo go ba Baheberone, Jerija+ e ne e le tlhogo ya Baheberone go ya ka tatelano ya losika lwa kgotla ya bone. Mo ngwageng wa bo40 wa bogosi jwa ga Dafide,+ ba ne ba batliwa, mme go ne ga fitlhelwa banna ba ba maatla ba ba nang le bokgoni mo go bone kwa Jasere+ kwa Gileade.
32 Mme bomorwarraagwe e ne e le banna ba ba nang le bokgoni ba le 2 700, e le ditlhogo tsa dikgotla tsa bone. Ka jalo, Kgosi Dafide o ne a ba tlhoma gore ba okamele Barubene, Bagada le halofo ya lotso lwa ga Manase ka kgang nngwe le nngwe e e amanang le Modimo wa boammaaruri le kgang e e amanang le kgosi.
