Ditiragalo wa Ntlha 7:1-40
7 Jaanong bomorwa Isakare e ne e le Tola, Pua, Jashube le Shimerone,+ ba ne ba le banê.
2 Mme bomorwa Tola e ne e le Usi, Refaia, Jeriele, Jahamai, Ibesame le Shemuele, ditlhogo tsa dikgotla tsa bone. Ditlogolwana tsa ga Tola e ne e le batlhabani ba ba maatla, ba palo ya bone e neng e le 22 600 mo motlheng wa ga Dafide.
3 Ditlogolwana* tsa ga Usi e ne e le Iserahia mme bomorwa Iserahia e ne e le: Mikaele, Obadia, Joele le Ishia, mme bano botlhe ba batlhano e ne e le dikgosana.*
4 Ba ba neng ba na le bone, ba ba kwadisitsweng go ya ka tatelano ya masika ya ditlogolwana tsa bone go ya ka ditlhogo tsa dikgotla tsa bone, e ne e le masole a a ipaakanyeditseng ntwa a le 36 000 mo mophatong wa bone, ka gonne ba ne ba na le basadi le barwa ba le bantsi.
5 Mme bomorwarraabone ba malapa otlhe a ga Isakare e ne e le batlhabani ba ba maatla ba le 87 000, ba ba kwadisitsweng go ya ka tatelano ya masika a bone.+
6 Bomorwa Benjamine+ e ne e le Bela,+ Bekere+ le Jediaele,+ ba ne ba le bararo.
7 Mme bomorwa Bela ba ne ba le batlhano. E ne e le Esebone, Usi, Usiele, Jerimothe le Iri mme e ne e le ditlhogo tsa dikgotla, batlhabani ba ba maatla, mme mo tatelanong ya masika a bone+ go ne go kwadisitswe ba le 22 034.
8 Bomorwa Bekere e ne e le Semira, Joashe, Eliesere, Elioenai, Omeri, Jeremothe, Abija, Anathothe le Alemethe.
9 Ditlogolwana tsa bone tse di kwadisitsweng go ya ka tatelano ya masika a bone go ya ka ditlhogo tsa dikgotla tsa bone, di ne di akaretsa batlhabani ba ba maatla ba le 20 200.
10 Mme morwa* Jediaele+ e ne e le Bilehane, mme bomorwa Bilehane e ne e le: Jeushe, Benjamine, Ehude, Kenana, Sethane, Tareshishe le Ahishahare.
11 Bano botlhe e ne e le bomorwa Jediaele go ya ka ditlhogo tsa borraabonemogolo, batlhabani ba ba maatla ba le 17 200 ba ba ipaakanyeditseng go tsenela sesole gore ba ye ntweng.
12 Bashupime le Bahupime e ne e le bomorwa Iri;+ Bahushime e ne e le bomorwa Ahere.
13 Bomorwa Nafetali+ e ne e le Jahasiele, Guni, Jesere le Shalume, e leng ditlogolwana* tsa ga Bileha.+
14 Bomorwa Manase+ e ne e le: Aseriele, yo a neng a mo tsholelwa ke mogadingwana wa gagwe wa Mosiria. (O ne a tshola Makire+ rraagwe Gileade.
15 Makire o ne a batlela Hupime le Shupime basadi, mme leina la ga kgaitsadie e ne e le Maaka.) Leina ga la morwawe wa bobedi e ne e le Selofehade,+ mme Selofehade o ne a na le bana ba basetsana fela.+
16 Maaka, mosadi wa ga Makire, o ne a tshola ngwana wa mosimane mme a mmitsa Pereshe; mme leina la ga monnawe Pereshe e ne e le Shereshe; mme bomorwawe e ne e le Ulame le Rekeme.
17 Mme morwa* Ulame e ne e le Bedane. Bano e ne e le bomorwa Gileade morwa Makire morwa Manase.
18 Mme kgaitsadie e ne e le Hamolekethe. O ne a tshola Ishehode, Abiesere le Mahela.
19 Mme bomorwa Shemida e ne e le Ahiane, Shekema, Likhi le Aniame.
20 Bomorwa Eferaime+ e ne e le Shuthela,+ morwa Shuthela e ne e le Berede, morwa Berede e ne e le Tahathe, morwa Tahathe e ne e le Eleada, morwa Eleada e ne e le Tahathe,
21 morwa Tahathe e ne e le Sabade, morwa Sabade e ne e le Shuthela. Gape Eferaime o ne a tsholelwa Esere le Eleade. Banna ba Gathe+ ba ba neng ba tsholelwa mo lefatsheng leo ba ne ba ba bolaya ka gonne ba ne ba ya go tsaya leruo la bone.
22 Rraabone e bong Eferaime o ne a hutsafala malatsi a le mantsi, mme bomorwarraagwe ba ne ba nna ba tla go mo gomotsa.
23 Morago ga moo, o ne a tlhakanela dikobo le mosadi wa gagwe, mme o ne a ima a bo a tshola ngwana wa mosimane. Mme Eferaime o ne a mmitsa Beria,* ka gonne mosadi yono o ne a nna mo ntlong ya gagwe ka ntlha ya masetlapelo.
24 Mme morwadie e ne e le Sheera, yo o neng a aga Bethe-horona yo o Kwa Tlase+ le yo o Kwa Godimo,+ le Usene-sheera.
25 Gape bomorwawe e ne e le Refahe le Reshefe, morwa Reshefe e ne e le Tela, morwa Tela e ne e le Tahane,
26 morwa Tahane e ne e le Ladane, morwa Ladane e ne e le Amihude, morwa Amihude e ne e le Elishama,
27 morwa Elishama e ne e le Nune, morwa Nune e ne e le Joshua.*+
28 Boswa jwa bone le mafelo a ba neng ba nna mo go one e ne e le Bethele+ le metsana e e e dikologileng, mme go ya kwa botlhaba e ne e le Naarane, mme go ya kwa bophirima e ne e le Gesere le metsana e e e dikologileng, le Shekema le metsana e e e dikologileng go ya go fitlha kwa Ayaya* le metsana e e e dikologileng;
29 mme go bapa le ditlogolwana tsa ga Manase, e ne e le Bethe-sheane+ le metsana e e e dikologileng, Taanake+ le metsana e e e dikologileng, Megido+ le metsana e e e dikologileng le Dora+ le metsana e e e dikologileng. Ditlogolwana tsa ga Josefa morwa Iseraele di ne di nna mo metseng eno.
30 Bomorwa Ashera e ne e le Imina, Ishefa, Ishefi le Beria,+ mme kgaitsadiabone e ne e le Sera.+
31 Bomorwa Beria e ne e le Hebere le Malekiele, yo e neng e le rraagwe Biresaithe.
32 Hebere o ne a nna rraagwe Jafelete, Shomere le Hothame, le kgaitsadiabone e bong Shua.
33 Bomorwa Jafelete e ne e le Pasake, Bimehale le Ashefathe. Bano e ne e le bomorwa Jafelete.
34 Bomorwa Shemere* e ne e le Ahi, Rogahe, Jehuba le Arame.
35 Bomorwa Heleme* monnawe Shemere, e ne e le Sofa, Imena, Sheleshe le Amale.
36 Bomorwa Sofa e ne e le Sua, Harenefere, Shuale, Beri, Imira,
37 Besere, Hode, Shamma, Shileshahe, Itherane le Beera.
38 Bomorwa Jethere e ne e le Jefune, Pisepa le Ara.
39 Bomorwa Ula e ne e le Ara, Haniele le Risia.
40 Bano botlhe e ne e le bomorwa Ashera, ditlhogo tsa dikgotla tsa bone, batlhabani ba ba tlhophilweng ba ba maatla, ditlhogo tsa dikgosana; mme palo ya bone ya ba ba kwadisitsweng go ya ka tatelano ya masika a bone+ e ne e le banna ba le 26 000+ ba ba mo sesoleng ba ba ipaakanyeditseng ntwa.
Dintlha Tse di Kwa Tlase
^ Seheb., “ditlhogo.”
^ Seheb., “Bomorwa.”
^ Seheb., “bomorwa.”
^ Seheb., “barwa.”
^ Seheb., “bomorwa.”
^ Mo go kayang “Ka Ntlha ya Masetlapelo.”
^ Kgotsa “Jehoshua,” mo go kayang “Jehofa ke Poloko.”
^ Kgotsa gongwe “Gasa,” mme gone ga se Gasa o o kwa Filisitia.
^ Gape o bidiwa Shomere mo temana 32.
^ E ka tswa e le “Hothame” yo o umakiwang mo temana 32.
