Diane 30:1-33
30 Molaetsa wa botlhokwa o o mo mafokong a ga Agure morwa Jake, a a neng a a bua le Ithiele le Ukale.
2 Mo bathong botlhe, ke nna yo ke sa kgathaleng,+E bile ga ke na tlhaloganyo e motho a tshwanetseng go nna le yone.
3 Ga ke a ithuta botlhale,E bile ga ke na kitso ya Yo o Boitshepotshepo.
4 Ke mang yo o tlhatlogetseng kwa legodimong a bo a fologela kwa tlase?+
Ke mang yo o huparetseng phefo ka diatla tsa gagwe?
Ke mang yo o phuthetseng metsi mo seaparong sa gagwe?+
Ke mang yo o dirileng dikhutlo tsotlhe tsa lefatshe?+
Leina la gagwe le leina la ga morwawe ke mang, fa e le gore o a itse?
5 Lefoko lengwe le lengwe la Modimo le itshekisitswe.+
Modimo ke thebe mo go ba ba tshabelang kwa go ene.+
6 O se ka wa oketsa mafoko a gagwe,+Go seng jalo o tla go kgalemela,Mme o tla kaiwa o le moaki.
7 Ke go kopa dilo di le pedi.
O se ka wa gana ka tsone pele ga ke swa.
8 Katosetsa se se seng boammaaruri le maaka kgakala le nna.+
O se ka wa nnaya lehuma kgotsa dikhumo.
Nneye fela dijo tse di ntekaneng,+
9 Gore ke se ka ka kgora mme ka go latola ka re,“Jehofa ke mang?”+
E bile o se ka wa ntetla gore ke humanege ke bo ke utswa mme ka tlontlolola* leina la Modimo wa me.
10 O se ka wa senya motlhanka leina mo go mong wa gagwe,Go seng jalo, a ka go hutsa mme o tla bonwa molato.+
11 Go na le kokomana e e hutsang rraayoneE bile e sa segofatse mmaayone.+
12 Go na le kokomana e e iponang e itshekile+Mme e sa phepafadiwa leswe* la yone.
13 Go na le kokomana e e mabela thataE bile e tseela ba bangwe kwa tlase!+
14 Go na le kokomana e meno a yone e leng ditšhakaLe e ditlhaa tsa yone e leng dithipa tse di bolayang;E kometsa batho ba maemo a a kwa tlase ba ba mo lefatshengLe bahumanegi ba ba mo bathong.+
15 Menopi e na le barwadi ba babedi ba ba goang ba re, “Mphe! Mphe!”
Go na le dilo di le tharo tse di sa kgotsofaleng,Tota di le nnê tse di sa keng di re, “Go lekane!”
16 Dilo tseo ke Lebitla*+ le popelo e e sa tsholeng,Lefatshe le le sa kgoreng metsi,Le molelo o o sa keng o re, “Go lekane!”
17 Leitlho la motho yo o sotlang rraagwe le yo o ganang go ikobela mmaagwe,+Le tla gonngwa ke magakabe a mokgatšha*E bile le tla jewa ke bontsu ba bannye.+
18 Go na le dilo di le tharo tse ke sa kgoneng go di tlhaloganya,*Tota di le nnê tse ke sa di tlhaloganyeng:
19 Tsela ya ntsu kwa loaping,Tsela ya noga mo lefikeng,Tsela ya sekepe mo lewatlengLe tsela ya monna a na le lekgarebe.
20 Eno ke tsela ya mosadi wa seaka:
O a ja a bo a iphimola molomo;Go tswa foo a bo a re, “Ga ke a dira sepe se se phoso.”+
21 Go na le dilo di le tharo tse di dirang gore lefatshe le rorome,Tota dilo di le nnê tse lefatshe le sa kgoneng go di itshokela:
22 Fa motlhanka a busa e le kgosi,+Fa seeleele se na le dijo tse dintsi,
23 Fa mosadi yo o tlhoilweng* a nyalwa,Le fa lelata le tsaya boemo jwa* mohumagadi wa lone.+
24 Dilo tseno tse nnê ke dingwe tsa dilo tse dinnye mo lefatsheng,Mme di botlhale ka tlholego:*+
25 Ditshoswane ke ditshedi* tse di sa nonofang,Le fa go ntse jalo, di phutha dijo tsa tsone selemo.+
26 Dipela+ ke diphologolo* tse di se nang maatla,Le fa go ntse jalo, di aga matlo a tsone mo mafikeng.+
27 Ditsie+ ga di na kgosi,Le fa go ntse jalo, tsotlhe di tsamaya ka thulaganyo.*+
28 Mmamagwatagwatane+ o itshwarelela ka maotoA bo a tsena mo ntlong ya segosi.
29 Go na le dilo di le tharo tse di ronokang ka tsela e e kgatlhang,Tota di le nnê tse di tsamayang ka tsela e e kgatlhang:
30 Tau, e leng phologolo e e maatla thata mo dibataneng,E e sa tshabeng ope;+
31 Ntša ya phefo; phoko;Le kgosi e e nang le masole a yone.
32 Fa e le gore ka boeleele o ile wa itlotlomatsa,+Kgotsa fa e le gore o ne o akantse go dira jalo,Baya seatla sa gago mo molomong.+
33 Gonne fela jaaka go kgotlhokgotsa mashi go dira botoroLe go sokasoka nko go ntsha madi,Ka tsela e e tshwanang, go tlhotlheletsa bogale go baka dikomano.+
Dintlha Tse di Kwa Tlase
^ Kgotsa “gobolola.”
^ Seheb., “mantle.”
^ Kgotsa “Sheole.” Bona Ditlhaloso Tsa Mafoko.
^ Kgotsa “molapo.”
^ Kgotsa “tse di nkgakgamatsang thata.”
^ Kgotsa “yo o sa ratiweng.”
^ Kgotsa “le menola.”
^ Kgotsa “di botlhale thata.”
^ Seheb., “setšhaba.”
^ Seheb., “setšhaba.”
^ Kgotsa “ka ditlhopha tse di farologaneng.”
