Dipesalema 11:1-7
Go mokaedi. Pesalema ya ga Dafide.
11 Ke tshabetse mo go Jehofa.+
Goreng lo nthaya lo re:
“Tshabela kwa thabeng jaaka nonyane?
2 Bona kafa batho ba ba bosula ba baakanyang bora ka gone;Ba tlhoma motswi wa bone mo mogaleng wa bora,Gore fa ba le mo lefifing ba hule ba ba pelo e e ikanyegang.
3 Ga go na tshiamiso e bile ga go tlotlwe melao,Ke eng se mosiami a ka se dirang?”
4 Jehofa o kwa tempeleng ya gagwe e e boitshepo.+
Setulo sa bogosi sa ga Jehofa se kwa magodimong.+
Matlho a gagwe a a bona, matlho a gagwe a a nnang a lebile* a tlhatlhoba bomorwa batho.+
5 Jehofa o tlhatlhoba mosiami mmogo le modirabosula;+O tlhoile ope fela yo o ratang thubakanyo.+
6 O tla nesetsa batho ba ba bosula masetlapelo;*Molelo le sulefera+ le phefo e e fisang e tla nna karolo ya se ba tla tshwanelwang ke go se nwa.
7 Gonne Jehofa o tshiamo;+ o rata ditiro tse di siameng.+
Batho ba ba siameng ba tla bona sefatlhego sa gagwe.*+
Dintlha Tse di Kwa Tlase
^ Kgotsa “a a phatsimang.”
^ Seheb., “dirai.”
^ Kgotsa “O tla amogela bathokgami.”
