Dipesalema 25:1-22
Pesalema ya ga Dafide.
א [Aleph]
25 Ao tlhe Jehofa, ke leba* kwa go wena.
ב [Beth]
2 Modimo wa me, ke ikantse wena;+O se ka wa letla gore ke tlhabiwe ke ditlhong.+
O se ka wa letla baba ba me gore ba itumelele matshwenyego a me.+
ג [Gimel]
3 Eleruri ga go na batho bape ba ba solofetseng mo go wena ba ba tla tlhabiwang ke ditlhong,+Mme ba ba dirang boferefere kwantle ga lebaka ke bone ba ba tla tlhabiwang ke ditlhong.+
ד [Daleth]
4 Nkitsise ditsela tsa gago, tlhe Jehofa;+Nthute ditselana tsa gago.+
ה [He]
5 Dira gore ke tsamaye mo boammaaruring jwa gago mme o nthute,+Gonne o Modimo wa me wa poloko.
ו [Waw]
Ke solofetse mo go wena letsatsi lotlhe.
ז [Zayin]
6 Gakologelwa kutlwelobotlhoko ya gago le lorato lwa gago lo lo sa kgaotseng, tlhe Jehofa,+Tse o di bontshitseng ka metlha.*+
ח [Heth]
7 O se ka wa gakologelwa maleo a ke a dirileng fa ke sa le mosha le diphoso tsa me.
Nkgakologelwe go ya ka lorato lwa gago lo lo sa kgaotseng,+Ka ntlha ya molemo wa gago, tlhe Jehofa.+
ט [Teth]
8 Jehofa o molemo e bile o siame.+
Ke sone se a rutang baleofi tsela e ba tshwanetseng go tshela ka yone.+
י [Yod]
9 O tla kaela ba ba pelonolo gore ba dire se se siameng,+E bile o tla ruta ba ba pelonolo tsela ya gagwe.+
כ [Kaph]
10 Ditselana tsotlhe tsa ga Jehofa di a ikanyega e bile di dumalana le lorato lo lo sa kgaotsengMo go ba ba bolokang kgolagano ya gagwe+ le dikgakololo tsa gagwe.+
ל [Lamed]
11 Ka ntlha ya leina la gago, tlhe Jehofa,+Intshwarele molato wa me, le fa gone o le mogolo.
מ [Mem]
12 Ke mang yo o boifang Jehofa?+
Modimo o tla mo ruta tsela e a tshwanetseng go e tlhopha.+
נ [Nun]
13 O tla itumelela se se molemo,+Mme ditlogolwana* tsa gagwe di tla rua lefatshe.+
ס [Samekh]
14 Jehofa o tsalana le ba ba mmoifang,+E bile o ba itsise kgolagano ya gagwe.+
ע [Ayin]
15 Matlho a me a lebile kwa go Jehofa ka metlha,+Gonne o tla ntsha dinao tsa me mo letloweng.+
פ [Pe]
16 Lebisa sefatlhego sa gago kwa go nna mme o nkutlwele botlhoko,Gonne ke nosi e bile ga ke na maatla.
צ [Tsade]
17 Matshwenyego a pelo ya me a oketsegile;+Nkgolole mo khutsafalong e ke leng mo go yone.
ר [Resh]
18 Bona go bogisega ga me le mathata a me,+Mme o intshwarele maleo a me otlhe.+
19 Bona kafa baba ba me ba leng bantsi ka goneLe kafa ba ntlhoileng thata ka gone.
ש [Shin]
20 Disa botshelo* jwa me mme o mpoloke.+
O se ka wa letla gore ke tlhabiwe ke ditlhong, ka gonne ke tshabetse mo go wena.
ת [Taw]
21 E kete nka sirelediwa ka gonne ke se na molato e bile ke dira se se siameng,+Gonne ke solofetse mo go wena.+
22 Ao tlhe Modimo, golola* Iseraele mo matshwenyegong otlhe a gagwe.
Dintlha Tse di Kwa Tlase
^ Kgotsa “ke tshololela maikutlo a me.”
^ Kgotsa “Tse di tswang metlheng ya bogologolo.”
^ Seheb., “losika.”
^ Seheb., “ne′phesh.” Bona Ditlhaloso Tsa Mafoko.
^ Seheb., “rekolola.”
