Dipesalema 34:1-22
Pesalema ya ga Dafide, fa a ne a itirile setsenwa+ fa pele ga ga Abimeleke, yo o neng a mo leleka, mme o ne a tsamaya.
א [Aleph]
34 Ke tla baka Jehofa ka dinako tsotlhe;Ke tla mmaka ka metlha.
ב [Beth]
2 Ke tla galaletsa Jehofa;+Ba ba pelonolo ba tla utlwa mme ba tla itumela.
ג [Gimel]
3 A re godiseng Jehofa mmogo;+A re tlotlomatseng leina la gagwe mmogo.
ד [Daleth]
4 Ke ne ka botsa Jehofa, mme o ne a nkaraba.+
O ne a nkgolola mo dilong tsotlhe tse ke di boifang.+
ה [He]
5 Ba ba neng ba mo leba ba ne ba phatsima;Difatlhego tsa bone di ne di ka se tlhabiwe ke ditlhong.
ז [Zayin]
6 Motho yono wa maemo a a kwa tlase o ne a bitsa, mme Jehofa o ne a mo utlwa.
O ne a mo golola mo matshwenyegong otlhe a gagwe.+
ח [Heth]
7 Moengele wa ga Jehofa o sireletsa ba ba boifang Modimo,+E bile o a ba golola.+
ט [Teth]
8 Lekang Jehofa mme lo bone gore o molemo;+Go itumela motho yo o tshabelang mo go ene.
י [Yod]
9 Boifang Jehofa, lona lotlhe ba lo leng ba gagwe,Gonne ba ba mmoifang ga ba tlhoke sepe.+
כ [Kaph]
10 Tota le ditawana* tse di maatla di a tle di tshwarwe ke tlala,Mme ba ba senkang Jehofa bone, ga ba kitla ba tlhoka sepe se se molemo.+
ל [Lamed]
11 Tlang bomorwaake, ntheetseng;Ke tla lo ruta go boifa Jehofa.+
מ [Mem]
12 Ke mang mo go lona yo o itumelelang botsheloE bile a ka rata go nna le malatsi a mantsi a a molemo?+
נ [Nun]
13 Foo sireletsa loleme lwa gago mo go se se bosula,+Le molomo wa gago gore o se ka wa bua dilo tse di tsietsang.+
ס [Samekh]
14 Tlogela se se bosula mme o dire se se siameng;+Tshela le ba bangwe ka kagiso mme o leke ka natla gore e tswelele e le gone.+
ע [Ayin]
15 Matlho a ga Jehofa a lebile batho ba ba siameng,+Le ditsebe tsa gagwe di reetsa selelo sa bone fa ba kopa thuso.+
פ [Pe]
16 Le fa go ntse jalo, Jehofa ga a batle ba ba dirang se se bosula,Ba tla swa, mme ga go ope yo o tla tlholang a ba gakologelwa mo lefatsheng.+
צ [Tsade]
17 Ba ne ba goa, mme Jehofa o ne a utlwa;+O ne a ba golola mo matshwenyegong otlhe a bone.+
ק [Qoph]
18 Jehofa o gaufi le ba ba pelo e phatlogileng;+O boloka ba ba kgobegileng marapo.*+
ר [Resh]
19 Mathata* a mosiami a mantsi,+Mme Jehofa o mo golola mo go one otlhe.+
ש [Shin]
20 O sireletsa marapo a gagwe otlhe;Ga go na lerapo lepe mo go one le le robilweng.+
ת [Taw]
21 Masetlapelo a tla bolaya batho ba ba bosula;Ba ba tlhoileng basiami ba tla bonwa molato.
22 Jehofa o boloka botshelo* jwa batlhanka ba gagwe;Ga go na ope wa ba ba tshabelang mo go ene yo o tla bonwang molato.+
Dintlha Tse di Kwa Tlase
^ Kgotsa “ditawana tse di seriri.”
^ Seheb., “ba moya wa bone o ngomogileng.”
^ Kgotsa “Masetlapelo.”
^ Seheb., “ne′phesh.” Bona Ditlhaloso Tsa Mafoko.
