Isaia 10:1-34
10 Ruri go latlhega ba ba tlhomang melao e e utlwisang botlhoko!+
Ba ka metlha ba kwalang ditaelo tse di gatelelang,
2 Gore ba ganele bahumanegi ka ditshwanelo tsa bone,Gore ba se ka ba direla batho ba maemo a a kwa tlase tshiamiso,+Ba tseye dithoto tsa batlholagadiBa bo ba gape dithoto tsa dikhutsana.*+
3 Lo tla dira eng ka letsatsi la katlholo,+Fa tshenyego e tla e tswa kgakala?+
Lo tla tshabela kwa go mang gore a lo thuse,+E bile lo tla tlogela khumo* ya lona kae?
4 Ga go na se lo ka se dirang fa e se go gagaba fa gare ga magolegwaKgotsa go wela mo go ba ba bolailweng.
Ka ntlha ya dilo tseno tsotlhe, bogale jwa gagwe ga bo a boela morago,Mme o sa ntse a otlolotse seatla sa gagwe gore a ba kgemethe.+
5 “Reetsang! Moasiria,+Ke thobane e ke e dirisang go bontsha gore ke galefile,+Mme ke dirisa thobane e e mo seatleng sa gagwe go otlhaya.
6 Ke tla mo romela gore a ye go tlhasela setšhaba sa motlhanogi,+A ye go tlhasela morafe o o nkgalefisitseng;Ke tla mo laela gore a tseye go le gontsi le gore a gape go le gontsiLe gore a ba gatake jaaka seretse mo mebileng.+
7 Le fa go ntse jalo, ga a kitla a tlhotlheletsega go dira ka tsela eoE bile pelo ya gagwe ga e kitla e ikaelela go dira jalo;Gonne mo pelong ya gagwe o ikaeletse go nyeletsaLe go fedisa ditšhaba di le dintsi, e seng di le mmalwa.
8 Gonne a re,‘A dikgosana tsa me tsotlhe ga se dikgosi?+
9 A Kaleno+ ga a tshwane le Karakemishe?+
A Hamathe+ ga a tshwane le Arepade?+
A Samarea+ ga a tshwane le Damaseko?+
10 Seatla sa me se nyeleditse magosi a a obamelang medimo e e se nang mosola,A ditshwantsho tsa one tse di betlilweng di neng di le dintsi go feta tsa Jerusalema le Samarea.+
11 A ga nkitla ke dira Jerusalema le medingwana ya yoneFela jaaka ke dirile Samarea le medimo ya yone e e se nang mosola?’+
12 “Fa Jehofa a wetsa tiro yotlhe ya gagwe mo Thabeng ya Siona le kwa Jerusalema, o* tla otlhaya kgosi ya Asiria ka ntlha ya pelo ya gagwe e e tletseng lonyatso le tsela e a lebang ka yone e e bontshang mabela le boikgodiso.+
13 Gonne a re,‘Ke tla dira seno ka nonofo ya seatla sa meLe ka botlhale jwa me, ka gonne ke botlhale.
Ke tla tlosa melelwane ya ditšhaba+Ke bo ke tsaya matlotlo a tsone,+E bile ke tla fenya banni ba teng fela jaaka yo o maatla.+
14 Seatla sa me se tla tsaya matlotlo a ditšhabaFela jaaka motho a tsenya seatla mo sentlhageng;E bile ke tla phutha lefatshe lotlheFela jaaka motho a phutha mae a a tlogetsweng.
Ga go ope yo o tla dirang gore diphuka tsa gagwe di phaphasele kgotsa yo o tla bulang molomo wa gagwe kgotsa yo o tla tswirinyang.’”
15 A selepe se ka ikgodisetsa motho yo o remang ka sone?
A shaga e ka ikgodisetsa motho yo o shagang ka yone?
A thobane+ e ka kgatikanya motho yo o e tsholetsang?
E bile a thobane e ka tsholetsa motho yo o sa dirwang ka logong?
16 Ka jalo Morena wa boammaaruri, Jehofa wa masomosomo,O tla dira gore batho ba gagwe ba ba nonneng ba bopame,+E bile Asiria ga a kitla a tlhola a galalela, o tla nna jaaka e kete o fisitswe ke molelo.+
17 Lesedi la Iseraele+ le tla fetoga molelo,+Le Modimo wa gagwe yo o Boitshepo o tla fetoga kgabo ya molelo;E tla tuka e bo e laila mefero ya gagwe le ditlhatshana tsa gagwe tsa mmitlwa mo letsatsing le le lengwe fela.
18 O tla fedisa gotlhelele bontle jwa sekgwa sa gagwe le jwa tshingwana ya gagwe ya maungo;Go tla nna jaaka fa motho yo o lwalang a koafalela pele.+
19 Ditlhare tsotlhe tsa sekgwa sa gagwe tse di setsengDi tla bo di le mmalwa mo mosimane a ka kgonang go di bala.
20 Mo letsatsing leo, ba ba setseng ba IseraeleLe ditlogolwana tse di falotseng tsa ga Jakobe,Ga ba kitla ba tlhola ba ikaega ka yo o neng a ba kgemetha;+Mme ka boikanyegi, ba tla ikaega ka Jehofa,Modimo yo o Boitshepo wa Iseraele.
21 Go tla boa masalela fela,Masalela a ga Jakobe, a boela kwa go Modimo Mothata.+
22 Gonne le fa gone batho ba gago, wena Iseraele,Ba tshwana le motlhaba* wa lewatle,Go tla boa masalela a bone fela.+
Go dirilwe tshwetso ya gore ba fedisiwe,+E bile ba tla welwa ke katlholo.+
23 Eleruri tshwetso ya go ba fedisa e e dirilweng ke Morena Molaodimogolo, Jehofa wa masomosomo,E tla diragadiwa mo nageng eo yotlhe.+
24 Ka jalo, seno ke se Morena Molaodimogolo, Jehofa wa masomosomo, a se buang: “Lo se ka lwa boifa, lona batho ba me ba lo nnang kwa Siona, ka ntlha ya Moasiria yo o neng a tle a lo iteye ka thobane+ fela jaaka Egepeto e ne e dira.+
25 Gonne mo lobakanyaneng fela, katlholo e tla bo e fedile; ke tla ba galefela ke bo ke ba nyeletsa.+
26 Jehofa wa masomosomo o tla mo itaya ka seme+ fela jaaka a ile a fenya Midiana kwa lefikeng la Orebe.+ E bile thobane ya gagwe e tla nna mo godimo ga lewatle, mme o tla e tsholetsa fela jaaka a ile a e tsholeletsa Egepeto.+
27 Mo letsatsing leo, morwalo wa gagwe o tla tloga mo legetleng la gago,+Le jokwe ya gagwe e tla tloga mo thamong ya gago,+Mme jokwe eo e tla robega+ ka ntlha ya leokwane.”
28 O ne a tla mo Aiatha;+O ne a ralala Migerone;A baya dithoto tsa gagwe kwa Mikemashe.+
29 Ba kgabagantse karolo e go kgabaganngwang noka mo go yone,Ba ne ba lala kwa Geba;+Rama e a roroma, Gibea+ wa ga Saulo o tshabile.+
30 Goa o bo o lele, wena morwadia Galime!
Tlhwaya tsebe, wena Laisha!
Wena Anathothe+ yo o tlhomolang pelo!
31 Matemena o tshabile.
Banni ba Gebime ba batlile lefelo le le sireletsegileng.
32 Mo go lone letsatsi leno, o tla ema kwa Nobe.+
O kgatikanyetsa lebole la gagwe kwa thabeng ya ga morwadia Siona,E leng thota ya Jerusalema.
33 Morena wa boammaaruri, Jehofa wa masomosomo,O rema dikala gore di phatlakane ka modumo o mogolo;+Ditlhare tse ditelele thata di a kgaolwa,E bile ditlhare tse di goletseng kwa godimo di a kokobediwa.
34 O kgemetha ditlhatshana tse di kitlaneng tsa sekgwa ka selepe,*Mme Lebanona o tla digwa ke motho yo o maatla.
Dintlha Tse di Kwa Tlase
^ Seheb., “bana ba ba se nang borre.”
^ Kgotsa “kgalalelo.”
^ Seheb., “ke.”
^ Kgotsa “moshawa.”
^ Seheb., “ka sedirisiwa sa tshipi.”
