Jobe 39:1-30
39 “A o itse nako e dipodi tsa kwa dithabeng di tsalang ka yone?+
A o kile wa bona dikgama fa di tsala?+
2 A o kgona go bala dikgwedi tse di tshwanetseng go di fetsa?
A o itse nako e di tsalang ka yone?
3 Fa di tsala di a ikhuna,Ditlhabi tsa tsone tsa pelegi di bo di fela.
4 Bana ba tsone ba a nonofa ba bo ba golela mo nageng;Ba a tsamaya mme ga ba boele kwa go mmaabone.
5 Ke mang yo o golotseng tonki ya naga,*+E bile ke mang yo o bofolotseng megala ya tonki ya naga?
6 Ke dirile sekaka gore e nne legae la yoneLe naga ya letswai gore e nne lefelo le e nnang mo go lone.
7 E nnela kgakala le motse o o modumo;Ga go na bakgweetsi ba ba e goang.
8 E tsamayatsamaya mo dithabeng e batla mafulo,E senka semela sepe fela se setala.
9 A poo ya naga e ikemiseditse go go direla?+
A e tla lala mo lefelong le diruiwa tsa gago di nnang mo go lone?*
10 A o tla golega poo ya naga ka mogala gore e go direle diforo,Kgotsa a e tla go sala morago gore e leme* mo mokgatšheng?
11 A o ka ikanya maatla a yone a magoloMme wa e letla gore e go direle tiro e e boima?
12 A o ka e ikanya gore e tlise thobo* ya gago,Mme a e tla e phuthela mo seboaneng sa gago?
13 Diphuka tsa ntšhe di phaphasela ka boitumelo,Mme gone a dintlha tsa diphuka tsa yone le mafofa a yone di ka tshwana le tsa mogolori?+
14 Gonne e tlogela mae a yone fa fatshe,Mme e a thuthafatsa mo loroleng.
15 E lebala gore lonao longwe lo ka nna lwa a thubaKgotsa gore phologolo nngwe ya naga e ka nna ya a gata.
16 E tshwara bana ba yone makgwakgwa, jaaka e kete ga se ba yone;+Ga e boife gore matsapa a yone e ka nna a lefela.
17 Gonne Modimo o e timile* botlhaleE bile ga a e naya tlhaloganyo.
18 Mme gone fa e ema e bo e phaphasetsa diphuka tsa yone,E tshega pitse le mopalami wa yone.
19 A ke wena o nayang pitse maatla?+
A o apesa molala wa yone moetse?
20 A o ka dira gore e tlole jaaka tsie?
Modumo wa yone o mogolo o o tswang ka dinko fa e budula o a tshosa.+
21 E tiba ka tlhako fa fatshe mo mokgatšheng e bo e itumela thata;+E betsegela kwa tlhabanong.*+
22 E tshega letshogo e bile ga e boife sepe.+
Ga e boele morago ka ntlha ya tšhaka.
23 Mokotlopo* o dira modumo fa o ntse o e gotlha mo letlhakoreng,Lerumo le lerumo le le konopiwang di a phatsima.
24 E tabogela kwa pele* ka gonne e roroma e bile e fela pelo,Ga e kgone go ema fela fa e utlwa* modumo wa lonaka.
25 Fa go lediwa lonaka ya re, ‘Aha!’
E dupelela tlhabano e le kgakalaE bile e utlwa go goa ga balaodi le mokgosi wa ntwa.+
26 A segodi se fofela kwa godimo ka bonako ka ntlha ya tlhaloganyo ya gago,Se tsharololela diphuka tsa sone kwa borwa?
27 Kgotsa a ntsu e fofela kwa godimo ka taelo ya gago+E bo e aga sentlhaga sa yone kwa godimodimo,+
28 E lala mo setlhoeng sa thaba e e kwa godimo,E nna mo lefelong la yone le le sireletsegileng mo lefikeng?*
29 E senka dijo e le gone koo;+Matlho a yone a kgona go bonela kgakala.
30 Bana ba yone ba nwa madi;Mme kwa go nang le sepe fela se se bolailweng, le yone e teng koo.”+
Dintlha Tse di Kwa Tlase
^ Kgotsa “onager.”
^ Kgotsa “mo bojelong jwa diruiwa tsa gago.”
^ Kgotsa “e thube makwete.”
^ Seheb., “peo.”
^ Seheb., “o dirile gore e lebale.”
^ Seheb., “E a tswa e ya go kgatlhantsha dibetsa.”
^ Kgotsa “Kgetsana e e tsenyang metswi.”
^ Seheb., “E ja fatshe.”
^ Kgotsa gongwe “Ga e dumele.”
^ Seheb., “mo ntlhaneng ya lefika.”
