KAROLO 3
Botshelo Bo ne Bo Ntse Jang mo Paradaiseng?
Jehofa o ne a naya Adame le Efa dilo di le dintsi tse di molemo. Genesise 1:28
Jehofa o ne a bopa mosadi wa ntlha e bong Efa, mme a mo naya Adame gore e nne mosadi wa gagwe.—Genesise 2:21, 22.
Jehofa o ne a ba bopa ba na le megopolo le mebele e e itekanetseng, ba se na selabe sepe.
Legae la bone la Paradaise e ne e le tshimo ya Edene—lefelo le lentlentle le le nang le dinoka le ditlhare tsa maungo le diphologolo.
Jehofa o ne a bua le bone; a ba ruta. Fa ba ne ba ka mo reetsa, ba ne ba tla tshela ka bosakhutleng mo lefatsheng la Paradaise.
Modimo o ne a laetse gore ba se ka ba ja mo go sengwe sa ditlhare tseo. Genesise 2:16, 17
Jehofa o ne a bontsha Adame le Efa setlhare sengwe sa maungo mo tshimong mme a ba bolelela gore fa ba ka ja maungo a sone ba tla swa.
Mongwe wa baengele o ne a tsuologela Modimo. Moengele yoo yo o bosula ke Satane Diabolo.
Satane o ne a sa batle gore Adame le Efa ba ikobele Jehofa. Ka jalo, o ne a dirisa noga gore e bolelele Efa gore fa a ka ja leungo la setlhare seo ga a kitla a swa, go na le moo o ne a tla tshwana le Modimo. Boammaaruri ke gore seo e ne e le maaka.—Genesise 3:1-5.
Tse Dingwe Tse O ka Di Kgatlhegelang
DITHUTO TSA BOTLHOKWA TSA BAEBELE
Goreng Modimo a Ile a Bopa Lefatshe?
Lefatshe la rona le tletse ka dilo tse dintle. Ga a dira gore le nne gaufi thata le letsatsi kgotsa kgakala thata le lone, gape o ile a dira gore le dikologe ka lobelo lo lo lekaneng. Goreng Modimo a ile a tsaya matsapa a makanakana go dira gore lefatshe le nne lentle thata jaana?
BAEBELE—E NA LE MOLAETSA OFE?
Mmopi o Naya Batho Paradaise
Baebele e tlhalosa jang tsela e batho ba neng ba bopiwa ka yone? Ke ditaelo dife tse Modimo a neng a di naya batho ba ntlha ba babedi?
