‘E Nthusitse go Tlhatlhoba Botshelo Jwa Me’

KE SONE se mosetsana mongwe wa dingwaga di le 18 e bong Maria yo o tswang kwa motseng wa Cherepovets a neng a se bua malebana le buka ya Dipotso Tse Basha ba di Botsang—Dikarabo Tse di Nang le Tharabololo. O ne a kwala kgang e e latelang, a kwalela ofisi ya lekala ya Basupi ba ga Jehofa e e gaufi le St. Petersburg, Russia, mo e ka nnang dikilometara tse 400 go tswa kwa Cherepovets.

“Buka eno e nthusitse go itlhatlhoba, go tlhatlhoba mekgele ya me le batho ba ba gaufi le nna. Ke bone dikarabo tsa dipotso tse di nkamang thata. Fa ke ne ke ntse ke bala buka eno, dikeledi di ne di elela fela mo marameng a me ka ntlha ya boitumelo.”

Maria o ne a oketsa jaana: “Go ne go ntse jaaka e kete go tlositswe lesire mo matlhong a me a ke neng ke a rototse thata ka ntlha ya go itumela. Buka eno e molemo go gaisa dibuka tsotlhe tse nkileng ka di bala mo botshelong jwa me jotlhe. Ga go na buka epe e e tshwanang le yone, ka gonne e theilwe mo Baebeleng e bile kgakololo ya ga Jehofa Modimo e molemo thata.”

Fa e le gore le wena o batla go solegelwa molemo ke tshedimosetso e e mo bukeng ya Dipotso Tse Basha ba di Botsang—Dikarabo Tse di Nang le Tharabololo, o ka amogela khopi ya buka eno ka go tlatsa setlankana se se fa tlase fano o bo o se romele kwa atereseng e e bontshitsweng mo setlankaneng seno kana kwa atereseng e e tshwanetseng mo go tse di bontshitsweng mo tsebeng ya 5 ya makasine ono.

□ Nthomelelang buka ya Dipotso Tse Basha ba di Botsang—Dikarabo Tse di Nang le Tharabololo. Bontsha puo e o e batlang

□ Tsweetswee ikgolaganyeng le nna malebana le thuto ya mahala ya legae ya Baebele.