Kafa o ka Ipelelang Botshelo jo bo Itumetseng Jwa Lelapa ka Teng

GRACIELA wa kwa Argentina kwa Amerika Borwa o kwala jaana: “Ke ntse ke bala dimakasine tsa Tora ya Tebelo le Tsogang! ka dingwaga di le 40. Gompieno, morago ga dingwaga di le dintsi jaana, nka bolela sentle gore di nkgotsofaditse ka se ke se tlhokang. Di nthusitse mo bongwaneng jwa me, mo dingwageng tsa me tsa bosha, fa ke ne ke ratana le mo lenyalong, le mo go godiseng bana ba me ba barataro.

“Dimakasine tseno di thusa nna le monna wa me go godisa bana ba rona ba banè ba ba sa ntseng ba nna mo gae. Ke dirisa dimakasine tseno ka tsela e e molemo fa ke bua le bana ba me le fa ke bua le barutabana ba bone kwa sekolong. Ke ne ka bala ka tlhamalalo go tswa mo go Tsogang! fa ke ne ke bua le dingaka malebana le mathata a botsogo. Ka thuso ya motseletsele wa ditlhogo tsa “Go Nna le Bokoa mo go Ithuteng” (March 8, 1997), re ne ra lemoga gore mongwe wa barwadi ba rona o na le bothata mo go ithuteng.”

Dikgatiso tsa Mokgatlho wa Watch Tower di ka thusa malapa go emelana le mathata a mantsi a ba lebaneng le one le go ipelela botshelo jo bo itumetseng ba le mmogo. Ka sekai, buka ya ditsebe di le 192 ya Sephiri sa Boitumelo mo Lelapeng e ka solegela banna, basadi, batsadi, bana, borremogolo le bommèmogolo molemo—ee, mongwe le mongwe mo lelapeng. Dingwe tsa dikgaolo tsa yone tse di rutang ke tseno: “Thapisa Ngwana wa Gago go Tloga Boseeng,” “Thusa Ngwana wa Gago wa Dingwaga Tsa Bolesome go Gatela Pele,” “Sireletsa Lelapa la Gago mo Tlhotlheletsong e e Bosula,” le “O ka Fenya Mathata a a Senyang Lelapa.”

Fa e le gore o ka rata go bona khopi ya buka eno, tsweetswee tlatsa setlankana se se fano o bo o se romele kwa atereseng e e bontshitsweng fano kana kwa atereseng e e tshwanetseng mo go tse di mo tsebeng ya 5 ya makasine ono. O tla bona dikakantsho tse di tlhamaletseng tse di ka go thusang go rarabolola mathata le go dira gore botshelo jwa lelapa e nne jo bo itumetseng jaaka Mmopi a ne a ratile gore bo nne ka teng.

□ Nthomeleleng buka ya Sephiri sa Boitumelo mo Lelapeng.

□ Tsweetswee ikgolaganyeng le nna malebana le thuto ya mahala ya legae ya Baebele.

[Setshwantsho mo go tsebe 32]

Graciela le lelapa la gagwe