Bogosi Jwa Modimo Ke Eng?
Batho ba le bantsi ba rapelela gore Bogosi Jwa Modimo bo tle, a mme o kile wa ipotsa gore Bogosi Jwa Modimo ke eng le gore bo tlile go direla batho eng?
AKANYA KA SE BAEBELE E SE BUANG:
Bogosi Jwa Modimo ke eng?
Ke puso e e kwa legodimong mme Kgosi ya yone ke Jesu Keresete.—Isaia 9:6, 7; Mathaio 5:3; Luke 1:31-33.
Bogosi Jwa Modimo bo tlile go dira eng?
Bo tlile go fedisa dilo tsotlhe tse di bosula le go dira gore batho ba tshele ka kagiso mo lefatsheng.—Daniele 2:44; Mathaio 6:10.
Go batla Bogosi pele go raya eng?
Go raya go bo tshegetsa le go tshepa gore bo tla dira gore dilo mo lefatsheng di nne fela jaaka Modimo a ratile.—Mathaio 6:33; 13:44.
Tse Dingwe Tse O ka Di Kgatlhegelang
DIKARABO TSA DIPOTSO TSA BAEBELE
Bogosi Jwa Modimo ke Eng?
Sekaseka lebaka la go bo Bogosi jwa Modimo e le jwa maemo a a kwa godimo go feta dipuso tse dingwe tsotlhe.
