Itse Motho
Go Senyegile Kae?
Go le gantsi re tlhaola ba bangwe mme re se na dintlha tsotlhe ka kgang nngwe. Ela tlhoko dikai tseno tse di latelang:
-
Bathapi ba le bantsi ba tsaya gore basadi ba tshwanelwa ke tiro ya maemo a a kwa tlase fela e e sa reng sepe.
-
Ka nako ya puso ya Banasi, Bajuda ba ne ba latofadiwa ka gore ba tshela botlhole mo didibeng le gore ba phasalatsa malwetse.
-
Batho ba le bantsi ba akanya gore fa motho a na le bokoa bongwe mo mmeleng o nna fela a sa itumela e bile ga a botsalano.
Fa motho a dumalana le dilo tseno, seno se ka bontsha gore o na le mokgwa wa go tlhaola ba bangwe. Mme batho ba ba ntseng jalo ba akanya gore batho ba ba sa lebeng dilo ka tsela e bone ba di lebang ka yone ga ba botlhale.
Molaomotheo wa Baebele
“Ga go molemo gore moya o tlhoke kitso.”—DIANE 19:2.
Lekwalo leno le re ruta eng? Re dira ditshwetso tse di sa siamang ka gonne re sa itse dintlha tsotlhe. Fa re dumela maaka a re a utlwang ka batho ba bangwe, re ka feleletsa re tlhaola batho bao.
Tlhomamisa Gore a Se o Se Utlwang ke Nnete
Fa re simolola go itse batho mme re bo re bona gore ke batho ba mofuta ofe, ga re kitla re dumela sengwe le sengwe se se buiwang ka bone. Fa re simolola go lemoga gore dilo tse di neng di buiwa ka batho ba bangwe ga e se nnete, ga re kitla re dumela sengwe le sengwe se re utlwang se buiwa ka bone.
Se o Ka se Dirang
-
Batho bangwe ba ka tswa ba akanya gore batho ba ba mo setlhopheng sengwe ga ba a siama mme se wena o tshwanetseng go se gopola ke gore ga e se batho botlhe mo setlhopheng seo ba ba nang le mekgwa e e sa siamang.
-
Nna o gopotse gore ga o itse go le kalo ka setlhopha seo sa batho.
-
O se ka wa tshepa sengwe le sengwe se o se utlwang gongwe le gongwe.
Tse Dingwe Tse O ka Di Kgatlhegelang
TORA YA TEBELO
Baebele ya Reng ka Tshiamiso?
A Modimo o rata morafe o o rileng go gaisa e mengwe? A go na le batho ba ba segofaditsweng le ba ba hutsitsweng?
