Dikarabo Tsa Dipotso Tsa Baebele
A re ka itshwarelwa maleo?
Ga go thata go dira gore Modimo a re amogele
Go ya ka Baebele, batho botlhe ke baleofi. Re ruile boleo go tswa mo mothong wa ntlha e bong Adame. Ka jalo, ka dinako tse dingwe re dira dilo tse di bosula mme moragonyana re bo re di ikwatlhaela. Morwa Modimo, Jesu Keresete, o ne a duelela maleo a rona ka go re swela. Setlhabelo sa gagwe sa thekololo se dirile gore re kgone go itshwarelwa. Ke mpho e e tswang kwa Modimong.—Bala Baroma 3:23, 24.
Batho bangwe ba ile ba dira maleo a a masisi mme ba ipotsa gore a Modimo a ka ba itshwarela. Se se itumedisang ke gore, Lefoko la Modimo la re: “Madi a ga Jesu Morwawe a re phepafatsa mo boleong jotlhe.” (1 Johane 1:7) Jehofa o iketleeditse go itshwarela le e leng maleo a a masisi fa fela re bontsha gore ruri re a ikwatlhaya.—Bala Isaia 1:18.
Re tshwanetse go dira eng gore re itshwarelwe?
Fa re batla gore Jehofa Modimo a re itshwarele, re tshwanetse go ithuta ka ene—go tlhaloganya ditsela tsa gagwe, kgakololo ya gagwe le dilo tse a batlang re di dira. (Johane 17:3) Jehofa o itshwarela ka bopelotsweu batho ba ba ikwatlhaelang ditiro tsa bone tse di sa siamang e bile ba leka go fetoga.—Bala Ditiro 3:19.
Ga go thata go dira gore Modimo a re amogele. Jehofa o tlhaloganya makoa a rona. O kutlwelobotlhoko e bile o pelonomi. A bopelonomi jwa gagwe jwa lorato ga bo dire gore o batle go ithuta mo go oketsegileng kafa o ka mo itumedisang ka teng?—Bala Pesalema 103:13, 14.
Tse Dingwe Tse O ka Di Kgatlhegelang
TORA YA TEBELO
A o Dira se Modimo a se Batlang?
Le fa go le botlhokwa go ikobela Modimo, go na le sengwe se se tlhokegang gore o nne tsala ya gagwe.
DIKARABO TSA DIPOTSO TSA BAEBELE
A Modimo o Tla Intshwarela?
Utlwa gore Baebele ya re o ka dirang gore Modimo a go itshwarele.
TORA YA TEBELO
A Tota re ka Itumedisa Modimo?
Karabo ya seo e ka bonwa mo botshelong jwa ga Jobe, Lote le Dafide ba ba neng ba dira diphoso tse di masisi.
