Lwantsha go Jewa ke Bodutu ka go Thusa ba Bangwe—Baebele e a Reng ka Kgang Eno?
Batho ba jewa ke bodutu mme ba bona go le thata go dira ditsala. Baitse bangwe ba tsa kalafi ba akanya gore go thusa ba bangwe go ka dira gore o se ka wa jewa ke bodutu thata.
“Go thusa ba bangwe go ka fokotsa maikutlo a go jewa ke bodutu le go itlhaola mo go ba bangwe.”—U.S. National Institutes of Health.
Baebele e re naya kgakololo ya gore re ka dira eng go thusa ba bangwe. Go dirisa kgakololo eno go ka re thusa go lwantsha maikutlo a go jewa ke bodutu.
Se o ka se dirang
Abela ba Bangwe. Batla ditsela tsa go fetsa nako le ba bangwe. Iketleeletse go abelana le ba bangwe se o nang le sone. Ba ka lebogela se o se dirang mme lo ka feleletsa lo le ditsala.
Molaomotheo wa Baebele: “Itlwaetseng go aba, mme batho ba tla lo abela.”—Luke 6:38.
Thusa ba bangwe. Batla ditsela tsa go thusa batho ba ba nang le mathata. Seo se ka akaretsa go ba reetsa kgotsa go ba thusa ka dilo tse di tla ba imololang.
Molaomotheo wa Baebele: “Tsala e gone go go thusa ka dinako tsotlhe.”—Diane 17:17, Contemporary English Version.
Go bona tshedimosetso e e oketsegileng ya gore o ka dirisana sentle jang le ba bangwe, bala setlhogo se se reng “Go Dirisana le ba Lelapa le Ditsala.”
Tse Dingwe Tse O ka Di Kgatlhegelang
TORA YA TEBELO
Itumelele Masego a go Abela ba Bangwe
Go aba go dira gore wena le batho ba bangwe lo itumele. Go dira gore batho ba dirisane sentle ba bo ba nne ditsala. O ka dira eng go itumelela go aba?
TSOGANG!
Tsala e e Molemo Ke e E Ntseng Jang?
Batho ba le bantsi ba dumela gore go botlhokwa go nna le ditsala tse di molemo. O ka nna tsala e e molemo jang mo go ba bangwe? Setlhogo seno se tlotla ka melaometheo e le menè e e ka thusang e e mo Baebeleng.
DIPOTSO TSE BASHA BA DI BOTSANG
Goreng ke Tshwanetse go Thusa Batho ba Bangwe?
Go direla batho ba bangwe dilo tse di molemo go ka go solegela molemo ka ditsela tse pedi. Ke dife?
