A o ka rata go direla Jehofa mo go oketsegileng ka paka ya Segopotso? (2Bak 5:14, 15) Ka March le ka April, babulatsela ba ba thusang ba ka tlhopha go rera diura di le 30 kgotsa di le 50. Fa e le gore o tla kgona go dira tiro eno e e kgethegileng, tlatsa foromo o bo o e isa kwa Komiting ya Tirelo ya Phuthego. Kgwedi le kgwedi, mo phuthegong go tla itsisiwe ba ba tla direlang e le babulatsela ba ba thusang. Seno se tla thusa bakaulengwe le bokgaitsadi mo phuthegong gore ba tshegetse babulatsela bano mo bodireding. A rotlhe re diriseng tshono eno ka paka ya Segopotso go tokafatsa tsela e re rerang ka yone le go kgothatsana.—1Bath 5:11.