BOTSHELO JWA BOKERESETE
Se Nka se Dirang Gore Phuthego ya Modimo e Itsege ka Ditiro Tse di Molemo
Batho ba lemoga tsela e Basupi ba ga Jehofa ba itshwarang ka yone. (1Bk 4:9) Re tshwanetse go ipotsa gore, ‘A dilo tse di ke buang le tsela e ke e tshwarang ka yone di bontsha gore ke galaletsa Jehofa?’ (1Pe 2:12) Ga re batle go dira sepe se se ka senyang tsela e Basupi ba ga Jehofa ba itsegeng ka yone.—Mor 10:1.
Mo maemong a a latelang, kwala fa fatshe gore Mokeresete o tshwanetse go itshwara jang le gore ke temana efe e e ka mo thusang:
-
Motho yo e seng Mosupi o a go omanya
-
Diaparo tsa gago, koloi kgotsa ntlo e diriwa leswe
-
Go beilwe molao o go lebegang go le thata go o ikobela mo lefelong la lona
Lefapha la Bokwadi le re thusa jang gore re tswelele re itsege ka dilo tse di siameng?
LEBANG BIDIO YA BA TLOTLA BOAMMAARURI E BILE BA A BO RATA, LO BO LO ARABA POTSO E E LATELANG:
Ke eng se se go kgatlhang ka tsela e phuthego ya Modimo e rulaganyang dikgatiso tse di opang kgomo lonaka?
