Fela jaaka motshameki a tlhoka go nna a ikatisa gore a nne le mesifa e e nonofileng le rona re tshwanetse go tsaya matsapa gore re katise bokgoni jwa rona jwa go lemoga. (Bah 5:14) Le fa ka dinako tse dingwe, re ka batla go etsa ditshwetso tsa batho ba bangwe, re tshwanetse go ithuta go akanya re bo re itirela ditshwetso. Goreng re tshwanetse go dira seno? Ka gonne mongwe le mongwe wa rona o tla ikarabelela mo Modimong ka ditshwetso tse a di dirileng.—Bar 14:12.

Ga re a tshwanela go akanya gore re tla dira ditshwetso tse di siameng fela ka gonne re na le dingwaga di le dintsi re kolobeditswe. Gore re kgone go dira ditshwetso tse di siameng, re tshwanetse go ikanya Jehofa, Lefoko la gagwe le phuthego ya gagwe.—Jos 1:7, 8; Dia 3:5, 6; Mat 24:45.

LEBANG BIDIO YA “NNANG LE SEGAKOLODI SE SE SIAMENG,” LO BO LO ARABA DIPOTSO TSE DI LATELANG:

• Dineo o ne a tshwanelwa ke go dira tshwetso efe?

• Ke eng fa re sa tshwanela go direla batho ditshwetso fa ba ka kgona go di itirela ba kaelwa ke digakolodi tsa bone?

• Banyalani bangwe ba ne ba neela Dineo kgakololo efe e e ka mo thusang?

• Dineo o ne a bona kae tshedimosetso e e mo thusitseng go dira tshwetso e e siameng?