Lefoko la Modimo le re naya sengwe le sengwe se re se tlhokang go lebana le dikgwetlho mo malatsing ano a bofelo. (2Ti 3:1, 16, 17) Mme gone ka dinako dingwe re ka tlhoka thuso ka melaometheo e e ka re thusang ka bothata bongwe jo bo rileng. Ka sekai, a o motsadi yo o tlhokang kgakololo ya gore o ka godisa jang bana ba gago? A o mosha yo o fitlhelang go le thata go ikobela Jehofa? Kgotsa a o hutsafetse ka gonne motho yo o neng o nyalane le ene o tlhokafetse? Mo jw.org o tla bona tshedimosetso e e tla go nayang melaometheo e e ka go thusang mo maemong ano le mo maemong a mangwe a o lebanang le one.—Dia 2:3-6.

Tobetsa DITHUTO TSA BAEBELE mo websaeteng ya jw.org. (Bona setshwantsho 1.) Go tswa foo, tlhopha karolo e o batlang tshedimosetso mo go yone mo lenaaneng le le tlhagang. Kgotsa tobetsa LAEBORARI > DITLHOGO TSE DINGWE le karolo e o batlang tshedimosetso mo go yone. (Bona setshwantsho 2.) Dikarolo tseno di teng gape le mo JW Library^®. * Gongwe o ka itumelela go leba ditlhogo tseno mo jw.org kgotsa mo JW Library. Gape o ka kwala setlhogo se o batlang go bala ka sone mo lebokosong la go senka mo jw.org.

Kwala mafoko a a latelang mo lebokosong mo lebokosong la go senka, go tswa foo kwala fa fatshe ditlhogo tse o ka ratang go di bala.

• Go godisa bana

• Go thusa basha

• Go tlhokafalelwa ke molekane wa lenyalo