KONGA 9
‘E Hoko Mai ‘a e Palataisí ‘Afē?
Ko e ngaahi faingata‘a ‘i he māmaní ‘oku fakamo‘oni‘i ai ko e Pule‘anga ‘o e ‘Otuá ‘e vavé ni ke ngāue mai. Luke 21:10, 11; 2 Tīmote 3:1-5
Na‘e tomu‘a tala ‘e he Tohi Tapú ‘a e konga lahi ‘o e ngaahi me‘a ‘oku hoko ‘i he ‘aho ní. Na‘e pehē ai ko e kakaí te nau hoko ko e kau ‘ofa ki he pa‘angá, talangata‘a ki he mātu‘á, anga-kakaha, pea mo e kau ‘ofa ki he mālié.
‘E ‘i ai ‘a e ngaahi fu‘u mofuike, ngaahi tau, ngaahi nounou fakame‘atokoni, mo e mafolalahia ‘a e mahakí. Ko e ngaahi me‘á ni ‘oku lolotonga hoko he taimí ni.
Na‘e toe pehē ‘e Sīsū ko e ongoongo lelei fekau‘aki mo e Pule‘angá ‘e malanga‘i ia ‘i he kotoa ‘o e māmaní.—Mātiu 24:14.
‘E to‘o atu ‘e he Pule‘angá ‘a e fulikivanu kotoa pē. 2 Pita 3:13
‘E vavé ni ke faka‘auha ‘e Sihova ‘a e kotoa ‘o e fulikivanú.
Ko Sētane mo e fanga tēmenioó ‘e tautea‘i.
Ko e fa‘ahinga ‘oku fanongo ki he ‘Otuá te nau hao mo‘ui atu ki ha māmani fo‘ou mā‘oni‘oni, ‘a ia ‘e ‘ikai toe ‘i ai ha manavahē, ko ha māmani ‘a ia ‘oku fefalala‘aki mo fe‘ofa‘aki ai ‘a e kakaí.
Te Ke Fie Vakai Foki ki Heni
ʻŪ TOHI MO E POLOSIUA
Ko e Hā ‘a e Pule‘anga ‘o e ‘Otuá?
Lolotonga ‘a e ‘i māmani ‘a Sīsuú, na‘á ne tomu‘a faka‘ali mai ‘a e me‘a ‘e fai ‘e he Pule‘angá.
ʻŪ TOHI MO E POLOSIUA
‘E Toe Ngata Koā ‘a e Faingata‘á?
‘Oku pehē ‘e he Tohi Tapú ‘oku fehi‘a ‘a e ‘Otuá ‘i he fakamaau ta‘etotonú pea ‘okú ne tokanga mo‘oni mai ki he kakaí. Ko e hā e ‘aonga te ke ma‘u mei aí?
