‘Oku fakahā mai ‘e he Tohitapú ‘oku tokolahi ‘a e fa‘ahinga ‘i he laumālié. Ko Sihova tonu ko ha tokotaha laumālie.​—Sione 4:24; 2 Kolinitō 3:17, 18.

Na‘e ‘i ai ha taimi na‘e toko taha pē ‘a Sihova ‘i he ‘univeesí. Na‘á ne kamata leva ke fakatupu ‘a e fa‘ahinga ‘i he laumālié ‘oku ui ko e kau ‘āngeló. ‘Oku nau mālohi ange pea ‘atamai poto ange ‘i he fa‘ahinga ‘o e tangatá. Na‘e fakatupu ‘e Sihova ‘a e kau ‘āngelo tokolahi; na‘e mamata ‘i ha vīsone ‘a e sevāniti ‘a e ‘Otuá, ko Tāniela, ki he kau ‘āngelo ‘e toko teau miliona.​—Tāniela 7:10; Hepelū 1:7.

Na‘a mo e ki mu‘a ke fakatupu ‘e he ‘Otuá ‘a e māmaní na‘á ne fakatupu ‘a e kau ‘āngelo ko ‘ení. (Siope 38:4-7) ‘Oku ‘ikai ha taha ‘iate kinautolu ko ha tokotaha ia na‘á ne mo‘ui pea mate ‘i he māmaní.