Talanoa Fakatohitapu mahuʻinga:

• Tml. 12:​1-8—Ko Tuʻi Solomone ʻoku ne fakamatalaʻi ʻa e ngaahi faingataʻaʻia fakaesino ʻoku haʻu mo e taʻumotuʻá ʻaki ʻa e ngaahi lea fakaemaau, ʻo hangē ko e kovi ʻa e sió (“nenefu ʻa e sio atu ʻa e kau taʻahiné ki tuʻa ʻi he ngaahi matapaá”) mo e kovi ʻa e fanongó (“fakaʻau ke leʻo-siʻi ʻa e hiva ʻa e ngaahi ʻofefiné”)

Talanoa Fakatohitapu mahuʻinga:

• 1 Sām. 12:​2, 23—Ko e palōfita taʻumotuʻa ko Sāmiuelá ʻokú ne ʻiloʻi ʻa e mahuʻinga ke hanganaki lotu maʻá e kakai ʻa Sihová

• 2 Sām. 19:​31-39—Ko Tuʻi Tēvita ʻokú ne houngaʻia ʻi he taʻumotuʻa ko Pāsiliaí ki heʻene poupou mateakí, pea ʻoku fakahaaʻi anga-fakanānā ʻe Pāsiliai ʻa hono ngaahi fakangatangatá ʻi he taimi naʻe kole ange ai ke ne fai ha meʻa lahi ange ʻi he meʻa ʻokú ne malavá

• Saame 71:​9, 18—ʻI he manavahē ʻa Tuʻi Tēvita naʻa ʻikai ke toe ʻi ai hano ʻaonga ʻi heʻene taʻumotuʻá, ʻokú ne kōlenga kia Sihova ke ʻoua te ne liʻaki ia kae ʻoange kiate ia ʻa e mālohi koeʻuhi ke ne lava ʻo akoʻi ʻa e toʻutangata hoko maí fekauʻaki mo Ia

• Luke 2:​36-38—Ko e palōfita fefine ko ʻAná, ko ha uitou taʻumotuʻa ʻoku tāpuakiʻi ia ki heʻene ʻaufuatoó mo ʻene ngāue faitōnungá

Talanoa Fakatohitapu mahuʻinga:

• Sēn. 12:​1-4—ʻI he taʻu 75 ʻa ʻĒpalahamé, ʻokú ne maʻu ha vāhenga-ngāue meia Sihova naʻe liliu ai ʻene moʻuí

• Tan. 10:​11, 19; 12:13—Ko ha ʻāngelo ʻokú ne ʻaʻahi ki he palōfita ko Tanielá, ʻa ia ʻokú ne taʻu 90 tupu ʻi he taimi ko iá, ke fakapapauʻi kiate ia ʻokú ne mahuʻinga kia Sihova pea te ne fakapaleʻi ia ki heʻene faitōnungá

• Luke 1:​5-13—ʻOku tāpuakiʻi ʻe Sihova ʻa e taʻumotuʻa ko Sākalaiá mo ʻIlisapesi fakafou ʻi hono fāʻeleʻi fakaemana hona foha ko Sioné

• Luke 2:​25-35—ʻOku ʻoange ʻe Sihova ki he taʻumotuʻa ko Simioné ʻa e monū ke sio ki he kiʻi valevale ʻa ia te ne hoko ko e Mīsaiá; ʻoku leaʻaki ʻe Simione ha ngaahi kikite fakamānavaʻi fekauʻaki mo e Mīsaiá

• Ngā. 7:​23, 30-36—Ko e palōfita ko Mōsesé ʻokú ne taʻu 80 ʻi he taimi naʻe tuku atu ai ʻe Sihova kiate ia ke ne taki Hono kakaí, ʻa e kau ʻIsilelí

Talanoa Fakatohitapu mahuʻinga:

• Sēn. 45:​9-11; 47:12—ʻOku fekau atu ʻe Siosifa ke ʻomai ʻene tamai taʻumotuʻá, ʻa Sēkope, pea ke ne tokonaki maʻana ʻo aʻu ki heʻene maté

• Lute 1:​14-17; 2:​2, 17, 18, 23—ʻOku poupouʻi ʻe Lute ha fefine taʻumotuʻa ange ko Nāomi, ʻi heʻene leá mo e ngāué

• Sione 19:​26, 27—ʻI he ofi ke mate ʻa Sīsū ʻi he ʻakau fakamamahí, ʻokú ne tuku atu ʻene faʻeé ke tokangaʻi ʻe heʻene ʻapositolo ʻofeina ko Sioné