Sīpinga Fetalanoa‘aki
●○○‘ULUAKI ‘A‘AHI
Feingangāue Tufa Tohi Fakaafe ki he Fakamanatú (Ma‘asi 3-31): ‘Oku mau loto ke fakaafe‘i koe ki ha kātoanga mahu‘inga ‘aupito. Ko ho‘o tohi fakaafe eni. ‘I he Tokonaki, Ma‘asi 31, ‘e fakatahataha ai ‘a e laui miliona takatakai ‘i he māmaní ke fakamanatu ‘a e pekia ‘a Sīsū Kalaisí. ‘Oku hā ‘i he tohi fakaafe ko ení ‘a e taimi mo e feitu‘u ‘e fai ai ‘a e fakamanatú. ‘Oku mau toe fakaafe‘i koe ki ha malanga ‘i he uike ki mu‘á ‘oku fakakaveinga “Ko Hai Mo‘oni ‘a Sīsū Kalaisi?”
Ki he ‘A‘ahi Hokó ‘I Hono Fakahāhā ha Mahu‘inga‘ia: Ko e hā na‘e pekia ai ‘a Sīsuú?
○●○‘ULUAKI TOE ‘A‘AHI
Fehu‘i: Ko e hā na‘e pekia ai ‘a Sīsuú?
Konga Tohi Tapu: Māt. 20:28
Ki he ‘A‘ahi Hokó: Ko e hā ‘oku fakahoko ‘e he huhu‘í?
○○●TOE ‘A‘AHI HONO UA
Fehu‘i: Ko e hā ‘oku fakahoko ‘e he huhu‘í?
Konga Tohi Tapu: Loma 6:23
Ki he ‘A‘ahi Hokó: ‘E lava fēfē ke tau fakahaa‘i ‘etau hounga‘ia ‘i he huhu‘í?
