ʻOku fakahoko ʻe he fanga tuofāfiné ha poupou ʻaonga ki he ngāue ʻo e Puleʻangá. (Saame 68:11) ʻOku nau fakahoko ʻa e lahi taha ʻo e ngaahi ako Tohi Tapu ʻi ʻapí pea ko e tokolahi taha ʻo e kau tāimuʻa tuʻumaʻú ko e fanga tuofāfine. ʻOku laui afe ʻa e fanga tuofāfine ngāue mālohi ko ha kau Pēteli, kau misinale, kau pole ki he ngāue langá, pe kau liliu-lea. ʻOku langa hake ʻe he fanga tuofāfine matuʻotuʻá honau ngaahi fāmilí mo e fakatahaʻangá. (Pal. 14:1) Neongo ʻoku ʻikai malava ʻa e fanga tuofāfiné ke nau hoko ko ha kau mātuʻa pe sevāniti fakafaifekau, te nau kei lava pē ʻo fokotuʻu ha taumuʻa ʻi he fakatahaʻangá. ʻI he ngaahi founga fē ʻe lava ke kakapa atu ʻa e fanga tuofāfiné?

• Fakatupulekina ʻa e ngaahi ʻulungaanga fakalaumālié.​—1 Tīm. 3:11; 1 Pita 3:3-6

• Tokoniʻi ʻa e fanga tuofāfine ʻi he fakatahaʻangá ʻoku ʻikai fuʻu taukeí.​—Tai. 2:3-5

• Fakaleleiʻi pea fakalahi hoʻo kau ki he ngāue fakamalangá

• Ako ha toe lea kehe

• Hiki ki ha feituʻu ʻoku lahi ai ʻa e fiemaʻú

• Tohi kole ki he Pētelí pe tokoni ki hono langa ʻa e ngaahi fale fakateokalatí

• Tohi kole ki he Ako Maʻá e Kau ʻEvangeliō ʻo e Puleʻangá

SIO ʻI HE VITIŌ KAKAI FEFINE ʻOKU NAU NGĀUE MĀLOHI ʻI HE ʻEIKÍ, PEA TALI LEVA ʻA E FEHUʻI KO ENÍ:

• ʻOku anga-fēfē hono fakalototoʻaʻi koe ʻe he ngaahi fakamatala ʻo e fanga tuofāfine ʻe toko tolu ko ení?