ʻI he faai mai ʻa e hisitōliá, kuo fakahoko ʻe he kau sevāniti ʻa e ʻOtuá ʻa e ngaahi meʻa fakaofo ʻo ʻikai koeʻuhi ko ʻenau malavá tonu ka koeʻuhi ko e tokoni ʻa Sihová. ʻI he 1954, naʻe tuku ange ai ʻe he kautaha ʻa Sihová ha filimi naʻe fakakaveinga Anga ʻo e Fakalakalaka ʻa e Kautaha ʻa Sihová. Naʻe faʻu tefito eni ia ʻe he kau Pēteli naʻe ʻikai haʻanau taukei ʻi he faʻu faivá. Ko e ngāue faingataʻa ko ení naʻe malava pē ia ʻi he tokoni ʻa e laumālie māʻoniʻoni ʻo Sihová. ʻOku tau maʻu ai ʻa e tuipau te tau hoko ʻo lavameʻa ʻi hono fakahoko ha faʻahinga vāhenga-ngāue pē te tau maʻu kapau te tau falala kia Sihova.​—Sāk. 4:6.

SIO ʻI HE VITIŌ FAʻU ʻO E “ANGA ʻO E FAKALAKALAKA ʻA E KAUTAHA ʻA SIHOVÁ,” PEA TALI LEVA ʻA E NGAAHI FEHUʻI KO ENÍ:

• Ko e hā naʻe fai ai ha fili ke faʻu ha vitiō ʻo fekauʻaki mo e ʻuluʻi ʻapitanga ʻi māmaní?

• Naʻe anga-fēfē hono fakahaaʻi ʻe he vitioó ko e Pētelí ʻoku hangē ia ko e sino ʻo e tangatá?​—1 Kol. 12:14-20

• Ko e hā ʻa e ngaahi pole naʻe fehangahangai mo e fanga tokouá ʻi hono faʻu ʻa e vitioó pea naʻe anga-fēfē ʻenau ikuʻi iá?

• Ko e hā ʻoku akoʻi mai ʻe he hokosia ko ení fekauʻaki mo e laumālie māʻoniʻoni ʻo Sihová?