Ke hoko ʻo kaumeʻa mo Sihová, kuo pau ki he kau ako Tohi Tapú ke nau fili ha ngaahi kaumeʻa lelei. (Saame 15:1, 4) Ko e ngaahi feohi leleí ʻe lava ke ne tākiekina kinautolu ke fai ʻa e meʻa ʻoku tonú.​—Pal. 13:20; lff lēsoni 48.

Hoko ʻo kaungāongoʻi ʻi he taimi ʻokú ke tokoniʻi ai hoʻo kau ako Tohi Tapú ke fakaʻehiʻehi mei he ngaahi feohi koví. ʻE faingataʻa nai ke nau taʻofi ʻa e feohi mo e ngaahi kaungāmeʻa ʻi he māmaní. Ko ia ai, fakahāhā ʻa e mahuʻingaʻia fakafoʻituitui loto-moʻoni ʻi he kau ako Tohi Tapú naʻa mo e taimi ʻoku ʻikai ke mou ako aí. ʻE kau nai ki heni ha ʻave ha pōpoaki pe tā ki ai pe ko ha ʻaʻahi taimi nounou. ʻI he fakalakalaka hoʻo kau ako Tohi Tapú ʻe lava ke ke fakaafeʻi kinautolu ke feohi mo e kakai ʻa e ʻOtuá. Te nau fakamoʻoniʻi ai ʻoku lahi mamaʻo ange ʻa e meʻa ʻoku nau maʻú ʻi he meʻa kuo molé. (Mk. 10:29, 30) Te ke toe fiefia foki ʻi he sio ʻoku tupulaki ʻa e fāmili ʻo Sihová.

SIO ʻI HE VITIŌ TOKONIʻI HOʻO KAU AKO TOHI TAPÚ KE FAKAʻEHIʻEHI MEI HE FEOHI KOVÍ, PEA TALI LEVA ʻA E NGAAHI FEHUʻI KO ENÍ:

• ʻOku ʻuhinga ki he hā ʻa e feohi koví?​—1 Kol. 15:33

• Ko e hā naʻe sioloto ʻa Lose ʻe fai ʻi he fakatahataha faka-Kalisitiané?

• Naʻe anga-fēfē hono tokoniʻi ʻe Nita ʻa Lose ke ne maʻu ha ngaahi kaungāmeʻa leleí?