Lolotonga ʻa Sepitemá te tau fai ʻa e feinga makehe ke fakahanga ʻa e tokangá ki he Puleʻanga ʻo e ʻOtuá ko e fakaleleiʻanga pē ia ʻe taha ki he ngaahi palopalema ʻa e faʻahinga ʻo e tangatá. (Māt. 24:14) ʻE lava fēfē ke ke kau ki ai? Vahevahe ha konga Tohi Tapu fekauʻaki mo e Puleʻanga ʻo e ʻOtuá ki he kakai tokolahi taha ʻe ala lavá lolotonga ʻa e māhiná. Kapau ʻoku fakahāhā ʻe ha tokotaha ha mahuʻingaʻia, tuʻuaki kiate ia ha tatau ʻo e Ko e Taua Leʻo Fika 2 2020. Toe foki leva ki he tokotaha mahuʻingaʻiá ʻi he vave taha ʻe ala lavá pea feinga ke kamata ha ako Tohi Tapu ʻi he polosiua Fiefia ʻi he Moʻuí ʻo Taʻengata! Ko e faʻahinga kotoa ʻe tāimuʻa tokoni lolotonga ʻa e māhina ko Sepitemá ʻe lava ke nau fili ke ngāue ʻi he houa ʻe 15 pe 30.

Ko e Puleʻanga ʻo e ʻOtuá ʻe vavé ni ke ne laiki ʻa e kotoa ʻo e kau maʻu mafai ʻoku fakafepaki ki aí. (Tan. 2:44; 1 Kol. 15:24, 25) ʻOfa ke tau ngāuekakatoʻaki ʻa e faingamālie makehe ko ení ke fakahaaʻi ʻetau mateaki kia Sihova mo hono Puleʻangá!