Lau ‘a e Luke 17:11-19. Ko e hā ‘a e tafa‘aki ‘e tolu ‘o e fakatātā ko ení ‘oku ‘ikai tonú? Tohi‘i ho‘o talí ‘i he ngaahi laine ‘i laló, pea fakakakato ‘a e fakatātaá ‘aki hono valivali‘i ia.

KI HA FETALANOA‘AKI:

Ko e hā na‘e fai ‘e ha kilia ‘e taha kae ‘ikai fai ia ‘e he toengá?

TOKONI: Lau ‘a e Luke 17:15,16.

‘E anga-fēfē ha‘o fa‘ifa‘itaki ki he‘ene fa‘ifa‘itaki‘angá?

TOKONI: Lau ‘a e Kolose 3:15; 1 Tesalonaika 5:18.

Ko hai ‘oku totonu ke ke manatu‘i ke fakamālō ki ai he ‘aho taki tahá?

TOKONI: Lau ‘a e Saame 107:8; Sēmisi 1:17.

NGĀUE FAKAFĀMILI:

‘Ai ‘a e mēmipa taki taha ‘i he fāmilí ke nau taki taha hiki ha poini ki he ‘uhinga ‘oku nau hounga‘ia ai ‘ia Sihova ko e ‘Otuá, ‘uhinga ‘e taha ki he‘enau hounga‘ia ‘i ha taha ‘i honau fāmilí mo e ‘uhinga ‘e taha ‘oku nau hounga‘ia ai ‘i ha kaume‘a lelei ‘i tu‘a ‘i he fāmilí. Hokó, ‘ai ha lisi ‘o ha ngaahi founga ‘aonga ‘e lava ke ke fakahāhā ai ha hounga‘ia kia kinautolu ko iá.

KAATI FAKATOHITAPU 19 PAULA

FEHU‘I

A. Na‘e poupou‘i ‘e Paula ‘ene ngāue fakafaifekaú ‘aki ‘ene ngaohi ․․․․․.

E. Na‘e ako‘i ‘e he ‘apositolo ko Paulá ­kinautolu ‘i he “‘ao ‘o e kakaí mo e . . .”

F. Na‘e fokotu‘u ‘e Paula ha ki‘i talavou ko ․․․․․.

FAKAMATALA

Ko ha tokotaha-fakatanga ki mu‘a ‘o e kau Kalisitiané ‘a ia na‘á ne liliu pea hoko ko ha ‘apositolo ki he ngaahi pule‘angá. Na‘e ngāue‘aki ia ‘e Sihova ke ne hiki ha ngaahi tohi ‘e 14 ‘o e Ngaahi Konga Tohi Tapu Faka-Kalisi Kalisitiane. Na‘e fononga ‘a Paula ‘i he ngaahi maile ‘e laui afe ko ha misinale pea fokotu‘u ha ngaahi fakataha‘anga ‘i ‘Iulope mo ‘Ēsia Maina.—Loma 11:13; 1 Tīmote 1:12-16.

TALI

A. tēniti.—Ngāue 18:3-5.

E. “. . . mei he fale ki he fale.”—Ngāue 20:20.

F. ‘Ūtiko.—Ngāue 20:7-12.

KAATI FAKATOHITAPU 20 NOA

FEHU‘I

A. Na‘e mo‘ui ‘a Noa ‘o ta‘u ․․․․․.

E. Ko hai ‘a e hingoa ‘o e foha ‘e toko tolu ‘o Noa?

F. Fakakakato ‘a e veesi Tohi Tapu ko ení: “Pea fai ‘e Noa; ‘ilonga ha me‘a na‘e ­tu‘utu‘uni . . . ”

[Saati]

4026 K.M. Fakatupu ‘o ‘Ātamá

Na‘e mo‘ui ‘i he 2970 K.M.

1 T.S.

98 T.S. Hiki ‘o e tohi fakamuimui ‘i he Tohi Tapú

[Mape]

‘Pea toka ‘a e aake he ngaahi mo‘uga o Alalaté.’—Sēnesi 8:4

‘OTU MO‘UNGA ‘ALALATÉ

NOA

FAKAMATALA

Na‘á ne ako‘i hono fāmilí ke talangofua ki he ngaahi fakahinohino ‘a Sihová. ‘I he talangofua ki he ‘Otuá na‘á ne fa‘u ‘a e ‘a‘aké ke fakahaofi ai hono fāmilí mo e fanga monumanú mei ha fu‘u lōmaki lahi. (Sēnesi 6:5-22) Neongo ‘a e manukí, na‘á ne kītaki faitōnunga ko ha “tokotaha malanga‘i ‘o e mā‘oni‘oní.”—2 Pita 2:5; Hepelū 11:7.

TALI

A. 950.—Sēnesi 9:29.

E. Semi, Hami mo Sēfeti.—Sēnesi 6:10.

F. “. . . kiate ia ‘e he ‘Otua, na‘a ne fai ia.”—Sēnesi 6:22.

TALI KI HE PEESI 30

1. ‘Oku totonu ke toko 10 pē ‘a e kau kiliá, kae ‘ikai toko 11.

2. Ko e kau kilia ‘i he fakamatala ko ení ko e kau tangata kotoa.

3. Ko e tangata na‘e foki maí “na‘á ne tō fo‘ohifo atu ‘i he ve‘e va‘e ‘o Sīsuú, ‘o fakamālō kiate ia.”