ʻI heʻetau lau ʻa e Tohi Tapú, ʻe lava ke tau ngāueʻaki ʻa e ngaahi meʻangāue fakaeako kehekehe ke fakamahino ʻa e meʻa ʻoku tau laú. Neongo ia, ʻoku lelei ke tau fekumi ki ha meʻa lahi ange ʻi he ngaahi moʻoniʻi meʻá pē. ʻOku tau loto ke kumi ki he ngaahi makakoloa fakalaumālie fekauʻaki mo e ʻulungaanga ʻo Sihová ʻa ia ʻe fakalahi ai ʻetau ʻofa kiate iá. Ke fai ení, ʻe lava ke tau ʻeke hifo, ‘Ko e hā ʻoku akoʻi mai kiate au ʻe he talanoa Fakatohitapu ko ení fekauʻaki mo Sihová?’

ʻE lava ke tau kumi ki he fakamoʻoni ʻo e ngaahi anga tuʻu-ki-muʻa ʻo Sihová ʻa e ʻofá, potó, fakamaau totonú mo e mālohí. Kae kehe, ʻoku ʻikai ko e ngaahi ʻulungaanga pē eni ʻo Sihová. ʻOku kau ki ai ʻa e ngaahi ʻulungaanga fakamānako kehe. ʻE lava ke ke maʻu mei fē ʻa e fakamatala lahi ange fekauʻaki mo hono ngaahi ʻulungāngá?

Vakai ki he lisi ʻo ha ʻulungaanga kehe ʻe 50 ʻi he Watch Tower Publications Index ʻi he kaveinga “Sihova” pea ʻalu leva ki he kaveinga tokoni “Ngaahi ʻUlungaanga ʻi Honau Hingoa.” Fekumi ki he ʻulungaanga ʻoku feʻungamālie mo e talanoa Fakatohitapu ʻokú ke laú. (Kapau ko e Tataki Fakaefekumi Maʻá e Kau Fakamoʻoni ʻa Sihová pē ʻokú ke ala maʻú, sio ki he kaveinga “Sihova ko e ʻOtua” pea ʻalu leva ki he kaveinga tokoni “Ngaahi ʻUlungaanga ʻo Sihová.”)