Sēfanaia 2:1-15
2 Mou fakatahataha, ʻio, mou fakatahataha mai,+ʻA e puleʻanga ʻoku ʻikai ke ongoʻi maá.+
2 Ki muʻa ke fakahoko ʻa e tuʻutuʻuní,Ki muʻa ke ʻalu atu ʻa e ʻahó ʻo hangē ha kafukafú,Ki muʻa ke hoko hifo kiate kimoutolu ʻa e houhau kakaha ʻa Sihová,+Ki muʻa ke hoko hifo kiate kimoutolu ʻa e ʻaho ʻo e houhau ʻa Sihová,
3 Mou kumi kia Sihova,+ ʻa kimoutolu kotoa ʻa e kau anga-vaivai* ʻo e māmaní,ʻA ia ʻoku mou tauhi ʻa ʻene ngaahi tuʻutuʻuni māʻoniʻoní.*
Mou kumi ki he māʻoniʻoní, mou kumi ki he anga-vaivaí.*
Heiʻilo ʻe* fufū ai kimoutolu ʻi he ʻaho ʻo e houhau ʻa Sihová.+
4 He ʻe hoko ʻa Kesa ko ha kolo liʻaki;Pea ʻe hoko ʻa ʻAsikeloni ʻo maomaonganoa.+
ʻE kapusi atu ʻa ʻAsitoti ʻi he maama lelei ʻa e ʻahó,*Pea ʻe taʻakifuʻu ʻa ʻEkiloni.+
5 “ʻOiauē ʻa e faʻahinga ʻoku nofo ʻi he matāfangá, ʻa e puleʻanga ʻo e kau Kēletí!+
ʻOku fakahanga kiate kimoutolu ʻa e folofola ʻa Sihová.
ʻE Kēnani, ʻa e fonua ʻo e kau Filisitiá, te u fakaʻauha koe,Koeʻuhi ke ʻoua naʻa ʻi ai ha taha ʻe kei nofo ʻi ai.
6 Pea ʻe hoko ʻa e matāfangá ko e ngaahi kaikaiʻanga,Mo e ngaahi vaitupu maʻá e kau tauhi-sipí mo ha ngaahi lotoʻā maka maʻá e fanga sipí.
7 ʻE hoko ia ko ha feituʻu maʻá e toenga ʻi he fale ʻo Siutá;+Te nau fai ai ʻenau fafangá.
Te nau tākoto ʻi he efiafí ʻi he ngaahi fale ʻo ʻAsikeloní.
He ko Sihova ko honau ʻOtuá te ne tokanga kiate kinautolu,*Pea te ne fakatahatahaʻi mai ʻenau kau pōpulá.”+
8 “Kuó u fanongo ki he manuki kuo fai ʻe Mōapé+ mo e lea taʻetokaʻi ʻa e kau ʻĀmoní,+ʻA ia kuo nau lumaʻi ʻa hoku kakaí mo fakamanamana loto-pōlepole ke faʻao honau feituʻú.+
9 Ko ia ai, ʻoku ou fuakava ʻiate au,”* ko e fakahaaʻi ia ʻe Sihova ʻo e ngaahi kau tau, ko e ʻOtua ʻo ʻIsilelí,“ʻE hangē pē ʻa Mōape ko Sōtomá,+Pea ʻe hangē ʻa e kau ʻĀmoní ko Komolá,+Ko ha feituʻu ʻo e ʻakau talatala, ko ha feituʻu kelekele māsima, pea ko ha feituʻu lala tuʻuloa.+
Ko e toenga ʻo hoku kakaí te nau faʻao fakamālohi ʻenau koloá,Pea ko e toenga ʻo hoku puleʻangá te nau ikunaʻi kinautolu.
10 Ko e meʻa eni te nau maʻu koeʻuhi ko ʻenau pōlepolé,+Koeʻuhí naʻa nau lumaʻi mo fakamafutofuta ki he kakai ʻa Sihova ʻo e ngaahi kau taú.
11 ʻE fakamanavahē* ʻa Sihova kiate kinautolu;He te ne ʻai ko e koto halaʻatā* ʻa e ngaahi ʻotua kotoa ʻo e māmaní,Pea ko e kotoa ʻo e ʻotu motu ʻo e ngaahi puleʻangá te nau punou* kiate ia,+ʻA e tokotaha taki taha mei hono feituʻu.
12 ʻE tāmateʻi foki ʻa kimoutolu kau ʻItiopea ʻaki ʻeku heletaá.+
13 Te ne mafao atu hono nimá ki he tokelaú ʻo fakaʻauha ʻa ʻAsīlia,Pea te ne ʻai ʻa Ninive ke maomaonganoa,+ ʻo pakukā hangē ha toafá.
14 ʻE tākoto ʻi loto ʻiate ia ʻa e ngaahi tākanga, ʻa e faʻahinga manu kaivao kotoa pē.*
ʻE mohe fakatouʻosi ʻa e pelikaní mo e pōkiupainé ʻi hono ngaahi ʻuluʻi-poú.
ʻE ongo mai ha hiva ʻi he matapā-teké.
Ko e fokotuʻunga maumau pē ʻe ʻi he hūʻangá;He te ne fakaeʻa atu ʻa e ngaahi ʻaofi sitá.
15 Ko e kolo pōlepole eni naʻe nofo malú,ʻA ia naʻá ne pehē ʻi hono lotó, ‘Ko au pē taha, ʻoku ʻikai mo ha toe taha kehe.’
ʻOi siʻene hoko ko ha meʻa ke fai ai ha fakalilifuʻia,Ko ha feituʻu ke tākoto ai ʻa e fanga manu kaivaó!
Ko e tokotaha kotoa ʻoku fakalaka atu aí te ne fai ha manuki* ki ai mo kalokalo atu hono ʻulú.”+
Fakamatala ‘i Lalo
^ Pe “Naʻa faifai pea.”
^ Pe “anga-fakatōkilaló.”
^ Fakafoʻilea, “ʻa ʻene ngaahi fakamāú.”
^ Pe “kau anga-fakatōkilalo.”
^ Pe “hoʻatā mālié.”
^ Pe “tokangaʻi kinautolu.”
^ Fakafoʻilea, “hangē pē ko ʻeku moʻuí.”
^ Pe “fakalilifu.”
^ Pe “te ne fakahongeʻi.”
^ Pe “lotu.”
^ Fakafoʻilea, “ʻa e monumanu kotoa ʻo ha puleʻanga.”
^ Fakafoʻilea, “mapumapu.”
