Siope 11:1-20
11 Naʻe tali ange ʻe Sofaʻā+ mei Naʻamá ʻo pehē:
2 “ʻE ʻalu taʻetali mai ʻa e ngaahi leá ni kotoa,Pe ʻe ʻai koā ʻe he lahi ʻo e lea ʻa ha taha ke ne tonuhia?*
3 ʻE fakasīlongoʻi ʻa e kakaí ʻe hoʻo talanoa maumau taimí?
ʻE ʻikai koā valokiʻi koe ʻe ha taha ʻi hoʻo ngaahi lea manukí?+
4 He ʻokú ke pehē, ‘ʻOku haohaoa ʻeku akonakí,+Pea ʻoku ou maʻa ʻi hoʻo vakaí.’+
5 Ka ʻo ka toki folofola ʻa e ʻOtuáPeá ne fakaava hono ngutú kiate koe!+
6 Te ne fakahaaʻi atu leva kiate koe ʻa e ngaahi fakalilolilo ʻo e potó,He ko e poto ʻaongá ʻoku lahi hono ngaahi tafaʻakí.
Te ke toki ʻilo ai ʻoku fakaʻatā ʻe he ʻOtuá ke fakangaloʻi ha niʻihi ʻo hoʻo faihalá.
7 ʻE lava ke ke ʻiloʻi ʻa e ngaahi meʻa loloto ʻa e ʻOtuáPe ʻiloʻi ʻa e meʻa kotoa pē fekauʻaki mo e* Māfimafi-Aoniú?
8 ʻOku māʻolunga ange ia ʻi he langí. Ko e hā ʻa e meʻa te ke lavá?
ʻOku loloto ange ia ʻi he Faʻitoká.* Ko e hā ʻe lava ke ke ʻiló?
9 ʻOku lōloa ange ia ʻi he māmaníMo fālahi ange ia ʻi he tahí.
10 Kapau te ne fakalaka hake ʻo ne puke ha taha ʻo ʻave ki he fakamaauʻangá,Ko hai ʻe lava ke ne fakafepakiʻi iá?
11 He ʻokú ne ʻafioʻi ʻa e taimi ʻoku kākā ai ʻa e tangatá.
ʻI heʻene vakai ki he meʻa ʻoku koví, ʻikai te ne fakatokangaʻi ia?
12 Ka ʻe toki maʻu ʻa e mahinó ʻe ha tangata ʻatamai-māngoaʻI ha toki lava ke fanauʻi ʻe ha ʻasi kaivao ha tangata.
13 Kapau pē te ke teuʻi ho lotóPea mafao atu ho nimá kiate ia.
14 Kapau ʻoku fai ʻe ho nimá ha meʻa ʻoku hala, tuku ia ke mamaʻo,Pea ʻoua ʻe fakaʻatā ʻa e taʻemāʻoniʻoní ke nofo ʻi ho ngaahi tēnití.
15 He te ke toki lava ai ke hanga hake ho matá ʻo ʻikai hano mele;ʻE lava ai ke ke tuʻu maʻu, ʻo ʻikai manavahē.
16 He ʻe toki ngalo ai ʻiate koe ʻa hoʻo faingataʻaʻiá;Te ke manatuʻi ia ʻo hangē ha vai kuo tafe ʻo fakalaka atu meiate koé.
17 ʻE hoko leva hoʻo moʻuí ʻo maamangia ange ʻi he hoʻatā mālié;Naʻa mo ʻene fakapoʻulí ʻe hangē ia ko e pongipongí.
18 Te ke hoko ʻo loto-maʻu koeʻuhí ʻoku ʻi ai ʻa e ʻamanaki,Pea te ke vakai takai holo peá ke tokoto hifo ʻi he malu.
19 Te ke tokoto hifo, ʻo ʻikai ha taha te ne ʻai koe ke ke ilifia,Pea ʻe feinga ʻa e kakai tokolahi ke maʻu ʻa hoʻo leleiʻiá.
20 Ka ko e mata ʻo e kau fulikivanú ʻe vaivai;Pea heʻikai te nau maʻu ha potu ke nau hao ki ai,Pea ko ʻenau ʻamanakí pē ʻa e maté.”+
Fakamatala ‘i Lalo
^ Pe “ʻe tonuhia koā ha tokotaha pōlepole?”
^ Pe “ʻiloʻi ʻa e ngataʻanga ʻo e.”
^ Pe “ʻi Seoli,” ʻa ia, ko e faʻitoka anga-maheni ʻo e faʻahinga ʻo e tangatá. Sio ki he Lea mo Hono ʻUhinga.
