Siope 39:1-30
39 “ʻOkú ke ʻilo ʻa e taimi ʻoku fāʻele ai ʻa e fanga kosi nofo moʻungá?+
Kuó ke vakai ki hono fāʻeleʻi ʻe he fanga tiá ʻa honau ʻuhikí?+
2 ʻOkú ke lau ʻa e māhina kuo pau ke kakato ai ʻenau feitamá?
ʻOkú ke ʻilo ʻa e taimi te nau fāʻele aí?
3 ʻOku nau mapelu hifo ʻi heʻenau fāʻeleʻi ʻa honau ʻuhikí,Pea ʻoku ngata leva ai ʻenau langaá.
4 ʻOku hoko ʻo mālohi ʻa honau ʻuhikí pea nau tupu hake ʻi he manafá;ʻOku nau ʻalu atu pea ʻikai te nau toe foki kiate kinautolu.
5 Ko hai naʻá ne tuku ange ke tauʻatāina ʻa e ʻasi kaivaó,+Pea ko hai naʻá ne vete ʻa e maea ʻo e ʻasi kaivaó?
6 Kuó u ʻai ʻa e toafa tokaleleí ko hono ʻapiPea mo e fonua māsimá ko hono nofoʻanga.
7 ʻOkú ne manuki ki he longoaʻa ʻi he koló;ʻOku ʻikai te ne fanongo ki he kaikaila ʻa e tokotaha ʻokú ne taki ʻa e fanga manú ki he ngāué.
8 ʻOkú ne ʻalu holo ʻi he ngaahi moʻungá, ʻo kumi ki ha kaikaiʻanga,Pea fakasio ki he ʻakau lau maʻuiʻui kotoa pē.
9 ʻOku loto-lelei ha pulu kaivao ke ngāue maʻau?+
Te ne mohe ʻi ho fale tauhiʻanga monumanú?*
10 Te ke haʻiʻaki ha maea ha pulu kaivao ka ne palau ʻa e ngaahi ʻotu ʻi he kelekelé maʻau,Pe te ne muimui ʻiate koe ke palau* ʻa e teleʻá?
11 Te ke falala ki hono fuʻu mālohíPea tuku ki ai ke ne fai hoʻo ngāue mamafá?
12 Te ke falala kiate ia ke ne fetuku mai hoʻo utu-taʻú,*Pea te ne tānaki koā ia ki hoʻo ʻauʻauʻanga uité?
13 ʻOku kapakapatā fiefia ʻa e ʻositalesí,Ka ʻe lava ke fakatatau ʻa hono kapakaú mo hono fulufulú ki he sitoaké?+
14 He ʻokú ne liʻaki ʻa hono fuá ʻi he kelekelé,Peá ne tauhi ia ke māfana ʻi he efú.
15 ʻOku ngalo ʻiate ia ʻe laiki ia ʻe ha vaʻePe tāmalaki ia ʻe ha manu kaivao.
16 ʻOkú ne ngaahi tavale pē ʻa hono ʻuhikí, ʻo hangē ʻoku ʻikai ko haʻaná;+ʻOku ʻikai te ne ilifia telia naʻa hoko ʻa ʻene ngāué ko e koto kulanoa.
17 He kuo ʻai ʻe he ʻOtuá ke ʻoua te ne maʻu* ʻa e potóPea ʻikai ʻoange hano ʻinasi ʻi he mahinó.
18 Ka ʻi heʻene mālanga hake ʻo kapakapataá,ʻOkú ne kataʻi ʻa e hōsí mo e tokotaha ʻoku heka aí.
19 Ko koe ʻa e tokotaha ʻokú ke ʻoange ki he hōsí ʻa hono mālohí?+
ʻOkú ke fakateunga hono kiá ʻaki ha fulufulu ngaungaue?
20 ʻE lava ke ke ʻai ia ke ne puna hangē ha heʻé?
Ko ʻene māfulu fakalaukaú ʻoku fakamanavahē.+
21 ʻOkú ne vaku ʻa e kelekele ʻi he teleʻá peá ne topuna mālohi;+ʻOkú ne fakavave atu ki he taú.*+
22 ʻOkú ne kata ki he fakamanavaheé pea ʻikai te ne ilifia ki ha meʻa.+
ʻOku ʻikai te ne tafoki koeʻuhí ko e heletaá.
23 Ko e faʻoʻanga ngahaú ʻoku ngatata ʻi heʻene tau ki aí,ʻOku tapa ʻa e fuʻu taó mo e kiʻi taó.
24 ʻI heʻene futefute ʻi he fiefiá, ʻokú ne ʻoho atu ki muʻa,*ʻOku ʻikai lava ke ne tuʻu maʻu ʻi he* ongo mai ʻa e meʻaifí.
25 ʻI he ifi pē ʻa e meʻaifí, ʻokú ne pehē, ‘ʻĀ!’
ʻOkú ne nāmuʻi ʻa e taú mei he mamaʻóPea ʻokú ne fanongo ki he kaila ʻa e kau ʻeikitaú mo e kailangaki ʻo e taú.+
26 Ko hoʻo mahinó koā ʻoku puna māʻolunga ai ʻa e hoké,ʻO folahi atu hono kapakaú ki he tongá?
27 Pe ko hoʻo tuʻutuʻuní koā ʻoku puna ai ki ʻolunga ʻa e ʻīkalé+Pea faʻu hono punungá ʻi he taukakapá,+
28 ʻO ne mohe ʻi ha lilifa,ʻO ne nofo ʻi hono toitoiʻangá ʻi ha avaʻi maka?*
29 ʻOkú ne kumi meʻakai mei ai;+Ko hono matá ʻoku sio mamaʻo atu.
30 Ko hono ʻuhikí ʻoku nau mimisi ʻa e totó;Pea ko e feituʻu pē ʻoku ʻi ai ʻa e maté, ʻoku ʻi ai ia.”+
Fakamatala ‘i Lalo
^ Pe “ʻi he ʻaiʻangakai ʻo hoʻo monumanú?”
^ Pe “fahi.”
^ Fakafoʻilea, “tengaʻi ʻakaú.”
^ Fakafoʻilea, “ke ngalo ʻiate ia.”
^ Fakafoʻilea, “ʻOkú ne ʻalu atu ke fetaulaki mo e meʻataú.”
^ Fakafoʻilea, “folofua ʻa e kelekelé.”
^ Pe ngalingali, “ʻOku ʻikai ke ne tui ki he.”
^ Fakafoʻilea, “ʻi he nifo ʻo ha fuʻu maka.”
