Siope 6:1-30
6 Naʻe tali ange ʻe Siope ʻo pehē:
2 “Taumaiā naʻe lava ke fua kakato ʻa hoku mamahí+Pea fua fakataha ia mo ʻeku faingataʻaʻiá ʻi he meʻafuá!
3 He ʻi he taimi ní ʻoku mamafa ange ia ʻi he ʻoneʻone ʻo e tahí.
Ko e ʻuhinga ia ʻoku hoko ai ʻeku ngaahi leá ko e lea taʻefakakaukauʻí.*+
4 He kuo hokaʻi au ʻe he ngaahi ngahau ʻa e Māfimafi-Aoniú,Pea ʻoku inu ʻe hoku laumālié ʻa honau koná;+Ko e ngaahi meʻa fakamanavahē mei he ʻOtuá ʻoku nau fakaʻotu mai ke ʻohofi au.
5 ʻE tangi koā ha ʻasi kaivao+ ʻi heʻene maʻu ha musié,Pe ko ha pulu ʻi heʻene maʻu ha mohukú?
6 ʻOku kai taʻemāsima koā ʻa e meʻakai ʻoku ʻikai hano ifó,Pe ʻoku ʻi ai koā ha ifo ʻi he huhuʻa aape ʻo ha ʻakau?
7 Kuó u fakafisi ke ala ki he ngaahi meʻa peheé.
ʻOku nau hangē ha meʻa ʻoku kona ʻi heʻeku meʻakaí.
8 Pehē ange mai ʻe hoko ʻo moʻoni ʻa ʻeku koléPea ke ʻomi ʻe he ʻOtuá ʻeku fiemaʻú!
9 Ke loto-lelei ʻa e ʻOtuá ke ne fakaʻauha au,Pea ke mafao mai hono nimá ʻo ne tāmateʻi au!+
10 He naʻa mo e meʻá ni te ne ʻomai ʻa e fiemālie kiate au;ʻO u puna fiefia neongo ʻa ʻene langa hokohokó,He kuo ʻikai te u fakataleʻi ʻa e ngaahi folofola ʻa e Tokotaha Māʻoniʻoní.+
11 ʻOku ou maʻu koā ha mālohi ke u kei tatali ai pē?+
Pea ko e hā ʻa e ʻamui ʻoku tatali mai kiate aú, ke u kei moʻui atu aí?*
12 ʻOku ou mālohi ʻo hangē ha maká?
Pe ko hoku kakanó naʻe ngaohi mei he kopá?
13 ʻOku ʻi ai ha founga ʻoku lava ke u tokoniʻi ai auʻI he mole meiate au ʻa e meʻa kotoa naʻá ne poupouʻi aú?
14 Ko ha taha pē ʻokú ne taʻofi ʻa e ʻofa mateakí mei he tokotaha kehé+Te ne siʻaki ʻa e manavahē ki he Māfimafi-Aoniú.+
15 Ko hoku fanga tokouá tonu kuo nau faikākā+ ʻo hangē ha vaitafe ʻo e faʻahitaʻu momokó,Hangē ko e mātuʻu ʻa e vai ʻo e ngaahi vaitafe ʻi he faʻahitaʻu momokó.
16 ʻOku fakapōpōʻuliʻi ia ʻe he ʻaisí,Pea ʻoku fufū ʻi ai ʻa e sinou ʻoku vaiá.
17 Ka ʻi hono faʻahitaʻú ʻoku nau hoko ʻo mātuʻu pea maha;ʻI heʻene māfaná, ʻoku nau pakukā.
18 Ko honau halangá ʻoku afeʻi;ʻOku nau tafe atu ki he toafá pea mole atu.
19 ʻOku kumi kiate kinautolu ʻa e kau fononga ʻo Teimá;+ʻOku tatali kiate kinautolu ʻa e kau fononga mei Sipá.*+
20 ʻOku nau mā ʻi he fehālaaki ʻenau falalá;ʻOku tōnoa ʻenau ʻamanakí ʻi heʻenau aʻu ki aí.
21 He kuo mou hangē ko e meʻá ni kiate au;+Kuo mou sio ki he fakamanavahē ʻa hoku faingataʻaʻiá, pea mou ilifia.+
22 Kuó u pehē atu, ‘ʻOmi ha meʻa kiate au,’
Pe kole atu ke ʻomi mei hoʻomou koloá ha meʻaʻofa kiate au?
23 Kuó u kole atu ke fakahaofi au mei he nima ʻo ha filiPe ke fakahaofi* au mei ha kau fakafeʻātungia?
24 Fakahinohinoʻi au, pea te u fakalongo pē;+Tokoniʻi au ke u mahinoʻi ʻa ʻeku fehālaakí.
25 Ko e ngaahi lea faitotonú ʻoku ʻikai langa mamahi!+
Ka ko e hā ha ʻaonga ʻe lava ke maʻu ʻi hoʻomou valokí?+
26 ʻOku mou faʻufaʻu ke valokiʻi ʻeku ngaahi leá,ʻA e ngaahi lea ʻa ha tangata feifeingavale,+ ʻa ia ʻoku puhiʻi atu ʻe he matangí?
27 Te mou toe fai foki ha lulu ki ha taha paea+Pea fakatau atu* homou kaumeʻá tonu!+
28 Ko ia mou tafoki ʻo hanga mai kiate au,Koeʻuhi heʻikai te u loi ʻi homou matá tonu.
29 Kātaki ʻo toe fakakaukauʻi ange—ʻoua ʻe fakamaauhalaʻi aú—ʻIo, toe fakakaukauʻi ange, he ʻoku kei tuʻu pē ʻa ʻeku māʻoniʻoní.
30 ʻOku lea taʻetotonu ʻa hoku ʻeleló?
ʻOku ʻikai koā ke ʻilo ʻe hoku ʻaoʻingutú ʻoku ʻi ai ha meʻa ʻoku hala?
Fakamatala ‘i Lalo
^ Pe “lea loto-ʻoho mo papūnoá.”
^ Pe “ke u fakatolonga ai ʻeku moʻuí.”
^ Pe “ʻa e fononga ʻa e kau Sepeaní.”
^ Fakafoʻilea, “huhuʻi.”
^ Pe “fakafetongi koloa.”
