Siope 9:1-35
9 Naʻe tali ʻe Siope ʻo pehē:
2 “Ko hono moʻoní ʻoku ou ʻiloʻi ʻoku pehē ia.
Ka ʻe lava fēfē ke tonuhia ha tangata ko e meʻa noa peé ʻi he ʻao ʻo e ʻOtuá?+
3 Kapau ʻoku loto ha taha ke ne fakakikihi mo Ia,*+ʻE ʻikai lava ʻe he tokotaha ko iá ke ne tali ha taha ʻi he ʻEne ngaahi fehuʻi ʻe taha afé.
4 ʻOkú ne poto* pea māfimafi ʻi he mālohí.+
Ko hai ʻe lava ke ne fakafepakiʻi ia pea mavahe mai ʻoku ʻikai ke lavea?+
5 ʻOkú ne hiki* ʻa e ngaahi moʻungá ʻo ʻikai ʻilo ki ai ha taha;ʻOkú ne fulihi kinautolu ʻi heʻene houhaú.
6 ʻOkú ne luluʻi ʻa e māmaní mei hono tuʻuʻangá,Ko ia ʻoku ngalulululu ai ʻa hono ngaahi poú.+
7 ʻOkú ne tuʻutuʻuni ki he laʻaá ke ʻoua ʻe ulo maiPea silaʻi ʻa e maama mai ʻa e ngaahi fetuʻú;+
8 ʻOkú ne folahi atu ʻa e ngaahi langí ʻe ia tokotaha pē,+Pea ʻokú ne hāʻele ʻi he ngaahi peau māʻolunga ʻo e tahí.+
9 Naʻá ne ngaohi ʻa e ngaahi pupunga fetuʻu ko ʻAsa,* Kēsili,* pea mo Kimaá,*+Pea mo e ngaahi pupunga fetuʻu ʻo e langí ʻi he tafaʻaki fakatongá;*
10 ʻOkú ne fai ʻa e ngaahi meʻa lalahi mo ʻikai lava ke fakatotoloa,+Ko e ngaahi meʻa fakaofo ʻoku ʻikai malava ke lau.+
11 ʻOkú ne ʻalu hake ʻi hoku tafaʻakí, pea ʻoku ʻikai lava ke u sio kiate ia;ʻOkú ne ngaʻunu ʻo fakalaka ʻiate au, ka ʻoku ʻikai ke u ʻiloʻi ia.
12 ʻI heʻene hamusi ha meʻá, ko hai ʻe lava ke ne fakafepakiʻi iá?
Ko hai ʻe lava ke ne pehē kiate ia, ‘Ko e hā ʻa e meʻa ʻokú ke faí?’+
13 ʻE ʻikai taʻofi ʻe he ʻOtuá ʻene houhaú;+Naʻa mo e kau tokoni kia Lēhapí*+ te nau punou kiate ia.
14 Huanoa ange ai ʻa e taimi te u fai ai ha tali kiate iáʻA e pau ke u filifili lelei ʻeku ngaahi lea ke u alea ai mo iá!
15 Neongo kapau naʻá ku tonuhia, heʻikai te u fai ha tali kiate ia.+
Ko e meʻa pē te u lavá ko e tautapa ki ha meesi ki hoku fakamāú.*
16 Kapau te u ui atu kiate ia, te ne fai mai koā ha tali kiate au?
ʻOku ʻikai te u tui te ne fanongo mai ki hoku leʻó,
17 He ʻokú ne laiki au ʻaki ha afāPea fakalahi hoku ngaahi kafó taʻeʻiai ha ʻuhinga.+
18 ʻOku ʻikai te ne tuku au ke fakatau ʻeku mānavá;ʻOkú ne hanganaki fakafonu au ʻaki ʻa e ngaahi meʻa fakamamahi.
19 Ka lau ki he mālohí, ko ia ʻa e tokotaha mālohí.+
Ka lau ki he fakamaau totonú, ʻokú ne pehē: ‘Ko hai te ne kounaʻi au ke u fai ange ha fakamatalá?’*
20 Kapau naʻá ku tonuhia, ʻe fakahalaiaʻi pē au ʻe hoku ngutú;Neongo kapau ʻoku ou tauhi ʻeku anga-tonú,* te ne tala ʻoku ou halaia.*
21 Neongo kapau ʻoku ou tauhi ʻeku anga-tonú,* ʻoku ʻikai te u falala kiate au;ʻOku ou siʻaki ʻa ʻeku* moʻuí ni.
22 ʻOku kei tatau ai pē. Ko e ʻuhinga ia ʻoku ou pehē ai,‘ʻOkú ne fakaʻauha ʻa e taʻehalaiá* ʻo tatau pē mo e fulikivanú.’
23 Ka hoko fakafokifā ha tāfea ʻo tupu ai ha mate mutukia,ʻE kata manuki ia ʻi he ʻikai toe felave ha meʻa ki he taʻehalaiá.
24 Kuo tuku atu ʻa e māmaní ki he fulikivanú;+ʻOkú ne ʻufiʻufi ʻa e mata* ʻo hono kau fakamāú.
Kapau leva ʻoku ʻikai ko ia, pea ko hai leva?
25 Pea ko hoku ngaahi ʻahó ʻoku vave ange ia ʻi ha tokotaha ʻoku lele;+ʻOku nau puli atu ʻoku teʻeki ke nau sio ki ha lelei.
26 ʻOku nau ngaholo ʻo hangē ha ngaahi vaka kahó,Hangē ha fanga ʻīkale ʻoku nau tūʻulu hifo ki heʻenau meʻakaí.
27 Kapau te u pehē, ‘Te u fakangaloʻi ʻa ʻeku lāungá,Te u liliu ʻeku fakafōtungá peá u hoko ʻo fiefia,’
28 Te u kei ilifia pē koeʻuhí ko e kotoa ʻo hoku ngaahi mamahí,+Pea ʻoku ou ʻilo heʻikai te ke lau au ʻoku ou tonuhia.
29 Te u kei halaia* pē.
Ko ia ko e hā ke u fakaongosia noa aí?+
30 Kapau te u kaukau ʻi ha vai mei he sinou kuo vaiá,Peá u fanofano hoku nimá ʻaki ʻa e koa,+
31 Te ke fakauku leva au ʻi ha luo,Ko ia naʻa mo hoku ngaahi kofú te nau fakaliliʻa kiate au.
32 He ʻoku ʻikai ko ha tangata ia ʻo hangē ko aú ke u lava ʻo fai ha tali kiate ia,Ke ma ō ki he fakamaauʻangá.+
33 ʻOku ʻikai ha taha ke faituʻutuʻuni* ʻi homa vahaʻá,ʻA ia ʻe lava ke hoko ko ha fakamaau kiate kimaua.*
34 Kapau te ne tuku ʻene tā aú*
Pea ʻoua ʻe fakaʻatā ʻene meʻa fakamanavaheé ke ne fakailifiaʻi au,+
35 Te u lea taʻemanavahē leva kiate ia,He ʻoku ʻikai ko hoku angá ia ke u lea ʻi he manavahē.
Fakamatala ‘i Lalo
^ Pe “ke ne ʻave Ia ki he fakamaauʻangá.”
^ Fakafoʻilea, “poto ʻi he lotó.”
^ Pe “toʻo.”
^ Ngalingali ko e pupunga fetuʻu ko Fuʻu Peá (ʻEsa Lahi).
^ Ngalingali ko e pupunga fetuʻu ko ʻOlioní.
^ Ngalingali ko e ngaahi fetuʻu ko Pelaiatisí ʻi he pupunga fetuʻu ko Taulusí.
^ Fakafoʻilea, “ngaahi loki ʻi loto ʻo e tongá.”
^ Ngalingali ko ha fuʻu manu ʻi he tahí.
^ Pe ngalingali, “ki he tokotaha ʻoku hopo mo aú.”
^ Fakafoʻilea, “te ne fakaʻilo aú?”
^ Pe “Neongo kapau ʻoku ou tonuhia.”
^ Fakafoʻilea, “anga-pikopiko.”
^ Pe “Neongo kapau ʻoku ou tonuhia.”
^ Pe “fehiʻa ki heʻeku; fakafisingaʻi ʻa ʻeku.”
^ Pe “faʻahinga ʻoku tauhi anga-tonú.”
^ Fakafoʻilea, “fofonga.”
^ Fakafoʻilea, “fulikivanu.”
^ Pe “ke fakalaloa.”
^ Fakafoʻilea, “ke hili hono nimá ʻiate kimaua fakatouʻosi.”
^ Fakafoʻilea, “toʻo ʻene vaʻakaú meiate au.”
