“Ko e tohi ko eni ʻo e Laó ʻe ʻikai mavahe ia mei ho ngutú, pea kuo pau ke ke lau leʻo-siʻi ia ʻi he ʻaho mo e pō, koeʻuhí ke ke tokanga ke tauhi ʻa e meʻa kotoa pē ʻoku hiki ʻi aí; he ʻe toki lavameʻa ai ho halá pea te ke toki fai fakapotopoto ai.”

Siosiua 1:8

“Naʻe hokohoko atu ʻenau lau leʻo-lahi ʻa e tohí, ʻa e Lao ʻa e ʻOtua moʻoní, ʻo fakamatalaʻi māʻalaʻala ia mo fakahaaʻi ʻa hono ʻuhingá; ko ia naʻa nau tokoniʻi ai ʻa e kakaí ke mahino kiate kinautolu ʻa e meʻa naʻe laú.”

Nehemaia 8:8

“Fiefia ē ka ko e tangata ʻoku ʻikai te ne ʻaʻeva ʻo fakatatau ki he faleʻi ʻa e kau fulikivanú . . . , ka ko ʻene fiefiá ʻoku ʻi he lao ʻa Sihová, pea ʻokú ne lau leʻo-siʻi ʻa ʻEne laó ʻi he ʻaho mo e pō. . . . Ko e meʻa kotoa pē ʻokú ne faí ʻe lavameʻa.”

Saame 1:1-3

“Naʻe lele atu ʻa Filipe ʻi he tafaʻakí ʻo ne fanongo ki heʻene lau leʻo-lahi ʻa e tohi ʻa ʻAisea ko e palōfitá, pea naʻá ne pehē: ‘ʻOkú ke ʻiloʻi moʻoni ʻa e meʻa ʻokú ke laú?’ Naʻá ne pehē ange: ‘ʻE lava fēfē ke faifai ange peá u ʻiloʻi ʻo ka ʻikai ʻi ai ha taha ke ne tataki au?’”

Ngāue 8:30, 31

 “Ko hono ngaahi anga ʻoku taʻehāmaí, ʻa hono mālohi taʻengatá mo hono tuʻunga ʻOtuá, ʻoku hā mahino mai ia mei hono fakatupu ʻo e māmaní ʻo faai mai, koeʻuhi ʻoku ʻiloʻi ia ʻi he ngaahi meʻa kuo ngaohí, ko ia ʻoku ʻikai ai hanau kalofanga.”

Loma 1:20

“Fakakaukauloto ki he ngaahi meʻá ni; nōfoʻi ʻiate kinautolu, koeʻuhi ke hoko ai hoʻo laka ki muʻá ʻo hā mahino atu ki he kakai kotoa.”

1 Tīmote 4:15

“Tuku ke tau fetokangaʻaki koeʻuhi ke fakaʻaiʻai ai kitautolu ki he ʻofá mo e ngaahi ngāue leleí, ʻo ʻoua ʻe liʻaki ʻa ʻetau fakataha fakatahatahá.”

Hepelū 10:24, 25

“Kapau ʻoku ʻi ai ha taha ʻo kimoutolu ʻoku masiva ʻi he potó, tuku ke ne hanganaki kole ki he ʻOtuá, he ʻokú ne foaki nima-homo ki he faʻahinga kotoa ʻo ʻikai te ne ʻoatu mo e lau, pea ʻe foaki ia kiate ia.”

Sēmisi 1:5