Ŵeruzgi 5:1-31
5 Pa zuŵa lenili, Debora+ limoza ndi Baraki+ mwana waku Abinowamu angumba sumu iyi:+
2 “Chifukwa cha sisi lambula kumangika* mu Isirayeli,Chifukwa chakuti ŵanthu angujipereka,+Thamikani Yehova!
3 Vwani yimwi mafumu! Julani makutu yimwi akulamuliya!
Ndimbiyengi Yehova.
Ndimbengi sumu zakuthamika* Yehova+ Chiuta waku Isirayeli.+
4 Yehova, pa nyengu yo mungutuwa mu Seiri,+Pa nyengu yo mwayendanga kutuwa muchigaŵa cha Edomu,Charu chingusukunyika, ndipu kuchanya kungupunguka maji,Mitambu yingukhutuwa maji.
5 Mapiri ngangusongonoka* pa masu paku Yehova,+Chinanga ndi Sinayi nayu wangusongoka pa masu paku Yehova+ Chiuta waku Isirayeli.+
6 Mu mazuŵa ngaku Shamugari+ mwana waku Anati,Mu mazuŵa ngaku Yayeli,+ ŵanthu anguleka kwenda mumisewu;Ŵanthu apaulendu ayendanga nthowa zinyaki.
7 Ŵanthu angumala mumizi ya mu Isirayeli;Angumala mpaka po ini Debora+ ndinguyukiya,Mpaka po ndinguyukiya nge ma, mu Isirayeli.+
8 Yiwu angusankha achiuta asonu;+Sonu mumageti mwenga nkhondu.+
Chishangu chawonekanga cha, chinanga ndi mkondu,Pakati pa ŵanthu 40,000 mu Isirayeli.
9 Mtima wangu we ndi ŵara ŵa asilikali a Ayisirayeli,+Wo angujipereka kuluta limoza ndi ŵanthu.+
Thamikani Yehova!
10 Yimwi akukwera pa abulu akufyuŵala,Yimwi muja pamakapeti ngamampha,Ndipuso yimwi mutenda munthowa,Ŵanaŵaniyani ivi!
11 Mazu nga akuneŵa maji ngavwika kumalu ngakuneŵaku maji;Kweniko ndiku akonkhoska ntchitu zaurunji zaku Yehova,Ntchitu zaurunji za ŵanthu ŵaki wo aja mumizi ya mu Isirayeli.
Pavuli paki ŵanthu aku Yehova angusikiya kumageti.
12 Yuka, yuka yiwi Debora!+
Yuka, yuka umbi sumu!+
Soka yiwi Baraki!+ Longozga akapolu ŵaku, yiwi mwana waku Abinowamu!
13 Sonu ŵanthu wo angujaku anguza ku ŵanthu akuzirwa;Ŵanthu aku Yehova angusikiya kwaku ini kuti alimbani ndi munthu wanthazi.
14 Mwaku Efurayemu mungutuwa wo ajanga mudambu;*Yiwu atikulondo yiwi Benjamini, pakati pa ŵanthu ŵaku.
Ŵara ŵa asilikali angusika kutuwa ku Makiri,+Ndipu mwaku Zebuloni mungutuwa wo apinga nthonga ya wakulemba ŵanthu.*
15 Alongozgi a mu fuku laku Isakara ŵenga ndi Debora,Baraki+ nayu wenga nge mo Isakara wenge.
Wangutumika kuchidika cha mudambu wapasi.+
Pakati pa magulu nga fuku laku Rubeni, penga kufufuza kukulu kwa mumtima.
16 Ntchifukwa wuli unguja pakati pa timathumba tiŵi,Ndi kuŵavwisiya achimbiya fyoliru magulu nga viŵetu?+
Chifukwa mu magulu nga fuku laku Rubeni, mwenga kufufuza kukulu kwa mumtima.
17 Giliyadi wangulutirizga kuja kusirya kwa Yorodani;+Ndipu ntchifukwa wuli Dani wangulutirizga kuja ndi sitima?+
Ashere wanguja cheti mulikumba,*Iyu wangulutirizga kuja mumadowoku ngaki.+
18 Ŵanthu a fuku laku Zebuloni ndiwu anguŵika umoyu wawu pa ngozi, mpaka pafupi kufwa;Ŵanthu a fuku laku Nafutali nawu so viyo,+ pachanya pa mapiri.+
19 Mafumu nganguza, yingu nganguchita nkhondu;Mafumu nga Akanani nganguchita nkhondu+Ku Tanaki, mumphepeti mwa maji nga ku Megido.+
Pengavi siliva yo yingu nganguphanga.+
20 Kutuwa kuchanya, nyenyezi zinguchita nkhondu;Kutuwa mumisewu yaki, zinguchita nkhondu ndi Sisera.
21 Msinji wa Kishoni ungupeya arwani,+Msinji wakali, msinji wa Kishoni.
Yiwi umoyu wangu, ungukandiya pasi ŵanthu anthazi.
22 Chiwawa cha viphundulu va mahachi chinguvwikaPo mahachi ngaki nganthulumi ngangutchimbiya mwanthazi.+
23 Mungelu waku Yehova wanguti, ‘Tembani Merozi,’‘Hinya, tembani ŵanthu wo aja mwenimo,Chifukwa yiwu anguza cha kuti azimuwovyi Yehova,Limoza ndi ŵanthu anthazi kuti aziwovyi Yehova.’
24 Yayeli ndi munthukazi wakutumbikika ukongwa+Muwolu waku Heba+ Mkeni;Iyu ngwakutumbikika ukongwa pakati pa anthukazi wo aja mumahema.
25 Sisera wangumupempha maji; kweni iyu wangumupaska mkaka.
Wangumupaska mkaka wakukhoma*+ mumbali yakuvukulika yakuzirwa.
26 Ndi janja laki wanguto chikhomu cha hema,Ndi janja laki lamaryi wanguto nyundu.
Ndipu wangukhoma Sisera, wanguswa mutu waki,Wanguphwanya ndi kutolo mutu waki mpaka kuseri.+
27 Sisera wangunyutuka pakati pa maphazi ngaku Yayeli; iyu wanguwa ndi kugona penipo;Wangunyutuka pakati pa maphazi ngaki ndi kuwa;Pamalu po wangunyutukiya, ndipu wanguthereskeke.
28 Munthukazi wangulingiza pawindu,Anyina Sisera angulingiza pawindu,‘Ntchifukwa wuli galeta laki liswera kuza?
Ntchifukwa wuli chiwawa cha magaleta ngaki chiswera kuvwika?’+
29 Munthukazi wazeru ukongwa pakati pa anthukazi ŵaki akuzirwa, wamumukanga;Hinya, nayu wajimukanga mumtima,
30 ‘Atenere kuti agaŵana vinthu vo aphanga,Msilikali weyosi wapaskika msungwana yumoza* pamwenga ŵaŵi,*Sisera wapaskika salu yakudaya, salu yakudaya yo aphanga,Chakuvwala cho chadyoŵeka, salu yakudaya pamwenga vakuvwala viŵi vakudyoŵekaKuti ŵanthu akuphanga avwalengi mukhosi.’
31 Sonu arwani ŵinu wosi amali,+ yimwi Yehova,Kweni wo atikuyanjani aje nge lumwi lo lituwa mwaunkhankhu waki.”
Ndipu charu chingupumuwa* kwa vyaka 40.+
Mazu Ngam'mphata
^ Pamwenga kuti, “Chifukwa cha asilikali wo ŵe ndi sisi lambula kumanga.”
^ Pamwenga kuti, “Ndimupangiyengi sumu.”
^ Yapa pangafwatulikiya so kuti, “ngangundengandenga.”
^ Yapa pangafwatulikiya so kuti, “wo apinga chidya cha mulembi.”
^ Pamwenga kuti, “muchidika.”
^ Kung’anamuwa kuti, mumphepeti mwa nyanja.
^ Pamwenga kuti, “wangumupaska kirimu.”
^ Mazu ngaki chayingu, “chibaliru chimoza.”
^ Mazu ngaki chayingu, “vibaliru viŵi.”
^ Pamwenga kuti, “mucharu mwenga chimangu.”
