Masalimo 10:1-18
ל [Lamed]
10 Yimwi Yehova, ntchifukwa wuli mutuma patali?
Ntchifukwa wuli mubisama pa nyengu ya masuzgu?+
2 Munthu muheni waskera munthu wambula wakumuwovya mwakujikuzga,+Kweni iyu wawirengi muviŵana vo watuthya.+
3 Pakuti munthu muheni watijikuzga chifukwa cha vinthu viheni vo wakhumba+Ndipu watumbika munthu wambunu;*נ [Nun]Kweniso wayuyuwa Yehova.
4 Chifukwa cha kujikuzga kwaki, munthu muheni wafufuza cha;Maŵanaŵanu ngaki ngosi ngakuti: “Kulivi Chiuta.”+
5 Vinthu vo wachita vitimuyende umampha,+Kweni vyeruzgu vinu, iyu wangavivwisa cha;+Arwani ŵaki wosi watiŵanyoza.
6 Mumtima mwaki wakamba kuti: “Ndisukunyikengepu cha;*Pakuti kutuwa mugonezi mpaka mugoneziIni ndiwonengi soka cha.”+
פ [Pe]
7 Mulomu waki wazaza mazu ngakutemba, maboza ndipuso kuwofyeza;+Kusi kwa lilimi laki kwe masuzgu ndi urwirwi.+
8 Wabisamiya ŵanthu kufupi ndi mizi;Kutuliya pamalu po wabisama, wabaya munthu wambula kunanga.+
ע [Ayin]
Masu ngaki ngapenjapenja kuti ngasaniyi munthu wakuti wawoni soka.+
9 Wabisamiya ŵanthu nge nkharamu yo ye mumalu ngaki.*+
Wakhaza kuti wako munthu wambula wakumuwovya.
Wako munthu wambula wakumuwovya asani wamuwonja muchilepa chaki.+
10 Munthu yo wakoleka wapumika ndi kuwisikiya pasi;Ŵanthu wo achita soka awiya mumanja ngaki nganthazi.*
11 Mumtima mwaki watiti: “Chiuta waluwa.+
Wang’anamukiya kumphepeti.
Kweniso wawona cha.”+
ק [Qoph]
12 Sokani yimwi Yehova.+ Soskani janja linu yimwi Chiuta.+
Mungamuluwanga cha munthu yo walivi wakumuwovya.+
13 Ntchifukwa wuli munthu muheni wayuyuwa Chiuta?
Mumtima mwaki iyu watiti: “Mungandimba mulandu cha.”
ר [Resh]
14 Kweni yimwi muwona masuzgu ndipuso masoka.
Mulereska ndipu muchitapu kanthu.+
Munthu yo wakumana ndi soka wang’anamukiya kwaku yimwi;+Yimwi mutovya mwana wambula awisi.*+
ש [Shin]
15 Fyoni janja la munthu muheni ndipuso wankhaza,+Mwakuti asani mufufuza ntchitu zaki ziheni,Zingasanirikanga so cha.
16 Yehova ndi Fumu muyaya mpaka muyaya.+
Mitundu ya ŵanthu yamala pacharu chapasi.+
ת [Taw]
17 Kweni yimwi Yehova, muvwengi pemphu la ŵanthu akufwasa.+
Mukhwimisengi mitima yawu,+ kweniso muŵavwisiyengi.+
18 Muchitiyengi urunji ŵana ambula awusewu kweniso wo atekenyulika,+Kuti munthu wa pacharu chapasi waleki kuŵawofyeza.+
Mazu Ngam'mphata
^ Yapa pangafwatulikiya so kuti, “Munthu wambunu watijitumbika.”
^ Pamwenga kuti, “Ndichitengepu mbendyambendya cha.”
^ Pamwenga kuti, “yo ye muvivwati.”
^ Pamwenga kuti, “muvinjoŵi vaki vanthazi.”
^ Pamwenga kuti, “mwana mulanda.”
