Masalimo 103:1-22
Sumu yaku Davidi.
103 Ndithamikengi Yehova;Chechosi cho che mukati mwangu, chithamiki zina laki lakupaturika.
2 Ndithamikengi Yehova;Ndiluwengi cha vosi vo iyu wachita.+
3 Iyu watikugowoke maubudi ngaku ngosi+Kweniso watikuchizga matenda ngaku ngosi.+
4 Wawombo umoyu waku kuzenji*+Ndipu watikuvwalika chanju chaki chambula kumala kweniso lisungu laki nge chisoti chaufumu.+
5 Watikukhorwesa ndi vinthu vamampha+ umoyu waku wosi,Kuti unyamata waku uweriyemu nge wa nombu.+
6 Yehova wachita vinthu mwaurunji+ kweniso wapereka cheruzgu chakunyolokaKwaku wosi wo akandirizgika.+
7 Mozesi wangumuziŵisa nthowa zaki,+Ndipu ŵana aku Isirayeli wanguŵaziŵisa ntchitu zaki.+
8 Yehova ngwalisungu kweniso ngwawezi,+Ngwambula kukwiya liŵi ndipuso ngwakuzaza ndi chanju chambula kumala.+
9 Iyu wajaliyengi ŵaka kutisaniya vifukwa cha,+Pamwenga kutisungiya chifukwa kwamuyaya.+
10 Iyu watichitiya vinthu mwakukoliyana ndi maubudi ngidu cha,+Pamwenga kutiweze mwakukoliyana ndi mphulupulu zidu.+
11 Nge mo kuchanya kuliri pachanya kuphara charu,Ndimu so ulili ukulu wa chanju chaki chambula kumala cho walongo ŵanthu wo atimuwopa.+
12 Nge mo ulili utali wa pakati pa ko kutuliya lumwi ndi ko liselere,Ndimu so waŵikiya kutali maubudi ngidu ndi isi.+
13 Nge ada wo alongo lisungu ŵana ŵawu,Yehova walongo lisungu wo atimuwopa.+
14 Pakuti iyu waziŵa umampha mo tikupangikiya,+Wakumbuka kuti te fuvu.+
15 Kweni munthu, mazuŵa ngaki nge nge nga uteka;+Wabuka nge luŵa lamudondu.+
16 Kweni asani mphepu yaputa, liluta,Ndipu vija nge kuti pengavi.*
17 Kweni chanju chambula kumala chaku Yehova ntchamuyaya mpaka muyaya*Kwaku wo atimuwopa,+Ndipuso urunji waki ku ŵana a ŵana ŵawu,+
18 Kwaku wo asunga phanganu laki+Kweniso wo asunga marangu ngaki mwakuphwere.
19 Yehova wajalikiska mwakukho mpandu waki waufumu kuchanya;+Ndipu ufumu waki ulamuliya chechosi.+
20 Thamikani Yehova yimwi angelu ŵaki wosi+ anthazi ukongwa,Yimwi muchita vo iyu wakamba+ kweniso muvwiya mazu ngaki.*
21 Thamikani Yehova yimwi mizinda yaki yosi,+Yimwi ateŵeti ŵaki wo muchita khumbu laki.+
22 Thamikani Yehova yimwi ntchitu zaki zosi,Mumalu ngaki ngosi ngo iyu walamuliya.*
Umoyu wangu wosi uthamiki Yehova.
Mazu Ngam'mphata
^ Pamwenga kuti, “kudindi.”
^ Mazu ngaki chayingu, “Malu ngo lengapu ngatiliziŵa so cha.”
^ Pamwenga kuti, “ntchakutuwa muyaya mpaka muyaya.”
^ Mazu ngaki chayingu, “mutuvwa kavwikiru ka mazu ngaki.”
^ Pamwenga kuti, “Mumalu ngosi nga ulamuliru waki.”
