Masalimo 109:1-31
Kwaku yo walongozga sumu. Sumu yaku Davidi.
109 Yimwi Chiuta yo nditimuthamika,+ mungajanga cheti cha.
2 Pakuti ŵanthu aheni kweniso achinyengu ajula milomu yawu kuti andineni.
Alongoro vakukwaskana ndi ini ndi malilimi ngaboza;+
3 Atindiwumbiliya ndi mazu ngakupweteka,Ndipu atindiyukiya kwambula chifukwa.+
4 Yiwu atindisuska chinanga kuti ini nditiŵalongo chanju;+Kweni ini ndilutirizga kupemphera.
5 Atindiweze vinthu viheni pa vamampha+Kweniso atinditinkha chinanga kuti nditiŵayanja.+
6 Muŵikiyeni munthu muheni kuti wamuyeruzgi;Mumuŵikiyi so munthu wakususka* kuti wami kujanja laki lamaryi.
7 Asani wayeruzgika wasaniriki ndi mulandu;*Pempheru laki nalu muliwoni nge ubudi.+
8 Mazuŵa ngaki ngaje ngamana;+Ndipu udindu waki nge wakuwonere, utoleki ndi munthu munyaki.+
9 Ŵana ŵaki* aje ambula awusewu,Ndipu muwolu waki waje choko.
10 Ŵana ŵaki* ayendengiyendengi ndi kupemphesa,Apenjengipenjengi chakurya muviguŵa va nyumba zawu.
11 Munthu yo we nayu ndi ngongoli wamulondi* vinthu vaki vosi,Ndipu alendu aphangi katundu waki.
12 Pangasanirikanga munthu weyosi cha wakumuchitiya lisungu,*Kweniso pangasanirikanga munthu weyosi cha wakuchitiya lisungu ŵana ŵaki ambula awusewu.
13 Mphapu yaki yidumuliki;+Mazina ngawu ngangaziŵikanga cha mu mugonezi wo utuza.
14 Yehova wakumbuki ubudi wa apapi ŵaki akali,+Ndipu ubudi wa anyina ungasisitikanga cha.
15 Nyengu zosi Yehova wakumbukengi vo yiwu achita;Ndipu yiwu angakumbukikanga so cha pacharu chapasi.+
16 Pakuti iyu wangukumbuka cha kulongo lisungu,*+Kweni wangulutirizga kulondo munthu wakukandirizgika,+ mukavu kweniso wakusweka mtimaKuti wamubayi.+
17 Iyu wayanjanga kutemba, ndipu venivi ndivu vikumuwiya;Wakhumbanga cha kutumbika, ndipu nayu wangulonde vitumbiku cha.
18 Wanguvwalikika kutemba nge chakuvwala.
Ndipu kutemba kungupungulikiya pa liŵavu laki nge maji,Kungupungulikiya muviwanga vaki nge mafuta.
19 Kutemba kwaki kuje nge chakuvwala cho wajikulungamu+Kweniso nge lamba yo wavwala nyengu zosi.
20 Ngenanga ndingu malipiru ngakutuliya kwaku Yehova nga munthu yo watindisuska+Kweniso nga ŵanthu wo akamba vinthu viheni vakukwaskana ndi ini.
21 Kweni yimwi Yehova Ambuya Fumu Yikulu,Chitanipu kanthu mumalu mwaku ini chifukwa cha zina linu.+
Nditaskeni, chifukwa chanju chinu chambula kumala ntchamampha.+
22 Pakuti ndilivi wakundiwovya kweniso nde mukavu,+Ndipu mtima wangu walasika mukati mwangu.+
23 Ndiluta nge mduzi wo umala;Ndakung’unthikiya pasi nge zombi.
24 Makongonu ngangu nganjekeme chifukwa cha kufunga;Liŵavu langu lawonda ndipu ndimala.*
25 Ndaja chinthu cho yiwu atichinena.+
Asani andiwona, atindipukunyiya mitu.+
26 Ndiwovyeni yimwi Yehova Chiuta wangu;Nditaskeni ndi chanju chinu chambula kumala.
27 Yiwu aziŵi kuti janja linu ndilu lachita venivi;Aziŵi kuti yimwi Yehova ndimwi mwachita venivi.
28 Yiwu anditembi kweni yimwi munditumbiki.
Asani asoka kuti alimbani nani, yiwu alengeseki,Kweni mteŵeti winu wakondwi.
29 Ŵanthu wo atindikana avwalikiki soni;Yiwu akulungiki mu soni zawu nge mumkhanju.*+
30 Mulomu wangu ulekengi cha kuthamika Yehova;Ndimuthamikengi pa masu pa ŵanthu anandi.+
31 Pakuti iyu wamengi ku janja lamaryi la munthu mukavuKuti wamutaski ku ŵanthu wo atimususka.
Mazu Ngam'mphata
^ Pamwenga kuti, “wakuti wamumbengi mulandu.”
^ Pamwenga kuti, “wasaniriki kuti ndi muheni.”
^ Mazu ngaki chayingu, “Ŵana ŵaki anthulumi.”
^ Mazu ngaki chayingu, “Ŵana ŵaki anthulumi.”
^ Pamwenga kuti, “Ŵanthu akatapira athyiyi viŵana.”
^ Pamwenga kuti, “wakuti wamulongo chanju chambula kumala.”
^ Pamwenga kuti, “chanju chambula kumala.”
^ Mazu ngaki chayingu, “Mnofu wangu wamala, ulivi mafuta.”
^ Pamwenga kuti, “ mkhanju wapanthuwa.”
