Masalimo 145:1-21
Sumu yakuthamika yaku Davidi.
א [Aleph]
145 Ndikukwezeningi yimwi Fumu Chiuta wangu,+Ndithamikengi zina linu muyaya mpaka muyaya.+
ב [Beth]
2 Ndikuthamikeningi zuŵa losi lamphumphu;+Ndithamikengi zina linu muyaya mpaka muyaya.+
ג [Gimel]
3 Yehova ndi mukulu ndipu ngwakwenere kumuthamika;+Ukulu waki ungafufuzika cha.*+
ד [Daleth]
4 Ŵanthu athamikengi ntchitu zinu kutuwa mugonezi mpaka mugonezi;Yiwu akambengi vakukwaskana ndi ntchitu zinu zanthazi.+
ה [He]
5 Yiwu akambengi vakukwaskana ndi unkhankhu winu ukulu+Ndipu ndilungurukengi vakukwaskana ndi ntchitu zinu zakuziziswa.
ו [Waw]
6 Yiwu akambengi vakukwaskana ndi ntchitu zinu zakuchitiska mantha,*Ndipu ini ndipharazgengi ukulu winu.
ז [Zayin]
7 Yiwu atuzgengi mazu nganandi achikumbuka umampha winu ukulu,+Ndipu adanirizengi mwalikondwa chifukwa cha urunji winu.+
ח [Heth]
8 Yehova ngwawezi kweniso ngwalisungu,+Ngwambula kukwiya liŵi kweniso we ndi chanju chikulu chambula kumala.+
ט [Teth]
9 Yehova ngwamampha kwaku weyosi,+Ndipu lisungu laki liwoneke mu ntchitu zaki zosi.
י [Yod]
10 Ntchitu zinu zosi zikukankhuskeningi yimwi Yehova,+Ndipu ŵanthu ŵinu akugomezgeka akuthamikeningi.+
כ [Kaph]
11 Yiwu apharazgengi unkhankhu wa ufumu winu+Kweniso akambengi vakukwaskana ndi nthazi zinu,+
ל [Lamed]
12 Kuti aziŵisi ŵanthu nthazi zinu+Ndipuso unkhankhu ukulu wa ufumu winu.+
מ [Mem]
13 Ufumu winu mbufumu wamuyaya,Ndipu ulamuliru winu ulutirizgengi kuŵapu ku migonezi yosi.+
ס [Samekh]
14 Yehova watovya wosi wo apenja kuwa+Ndipu wasoska wosi wo asindama.+
ע [Ayin]
15 Masu ngosi ngalereska kwaku yimwi mwachilindizga;Mutivipaska chakurya pa nyengu yaki.+
פ [Pe]
16 Mutambasuwa janja linuNdipu chamoyu chechosi mutichipaska vo chikhumba mpaka kukhorwa.+
צ [Tsade]
17 Yehova ndi murunji mu nthowa zaki zosi+Kweniso ngwakugomezgeka pa chechosi cho wachita.+
ק [Qoph]
18 Yehova we pafupi ndi wosi wo atimudana,+Wosi wo atimudana mu uneneska.*+
ר [Resh]
19 Wo atimuwopa watiŵapaska vo akhumba mpaka kukhorwa;+Watuvwa kuliya kwawu kwakupempha chovyu ndipu watiŵataska.+
ש [Shin]
20 Yehova wavikiliya wosi wo atimuyanja,+Kweni ŵanthu aheni waŵaparanyengi.+
ת [Taw]
21 Mulomu wangu uthamikengi Yehova;+Chinthu chechosi chamoyu chithamiki* zina laki lakupaturika muyaya mpaka muyaya.+
Mazu Ngam'mphata
^ Pamwenga kuti, “palivi yo wangawuvwisa.”
^ Pamwenga kuti, “nthazi zinu.”
^ Pamwenga kuti, “ndi mtima wosi.”
^ Mazu ngaki chayingu, “Mnofu wewosi uthamiki.”
