Masalimo 25:1-22
Sumu yaku Davidi.
א [Aleph]
25 Yehova, nding’anamukiya kwaku yimwi.*
ב [Beth]
2 Chiuta wangu, ndithemba yimwi;+Mungazomerezanga cha kuti ndilengeseki.+
Mungazomerezanga cha kuti arwani ŵangu asekere chifukwa chaku ini.+
ג [Gimel]
3 Hinya, palivi munthu yo walindizga yimwi yo walengesekengi,+Kweni soni zikhaza ŵanthu wo achita uryarya kwambula chifukwa.+
ד [Daleth]
4 Ndiziŵiseni nthowa zinu yimwi Yehova;+Ndisambizeni menderu nginu.+
ה [He]
5 Ndiyendeseni mu uneneska winu ndipu ndisambizeni,+Pakuti yimwi ndimwi Chiuta wangu wa utaski.
ו [Waw]
Ini ndilindizga yimwi zuŵa losi lamphumphu.
ז [Zayin]
6 Kumbukani lisungu linu yimwi Yehova, ndipuso chanju chinu chambula kumala,+Vo yimwi mwavilongo kutuwa kali.*+
ח [Heth]
7 Mungakumbukanga cha maubudi ngangu ngo ndinguchita ndeche mnyamata kweniso mphulupulu zangu.
Mundikumbuki mwakukoliyana ndi chanju chinu chambula kumala,+Chifukwa cha umampha winu yimwi Yehova.+
ט [Teth]
8 Yehova ngwamampha ndipuso ngwakunyoloka.+
Ndichu chifukwa chaki wasambiza ŵanthu akubuda mo atenere kujaliya.+
י [Yod]
9 Ŵanthu akufwasa waŵalongozgengi mu cho ntchakwenere,*+Kweniso wasambizengi ŵanthu akufwasa nthowa yaki.+
כ [Kaph]
10 Nthowa zosi zaku Yehova ntchanju chambula kumala kweniso kugomezgekaKu ŵanthu wosi wo asunga phanganu laki+ kweniso vikumbusu vaki.+
ל [Lamed]
11 Chifukwa cha zina linu yimwi Yehova,+Ndigowokiyeni ubudi wangu, chinanga kuti ngukulu.
מ [Mem]
12 Kumbi ndiyani yo watopa Yehova?+
Chiuta wamusambizengi vakukwaskana ndi nthowa yo wangasankha.+
נ [Nun]
13 Iyu wawonengi vinthu vamampha,+Ndipu mphapu* yaki yiharengi charu chapasi.+
ס [Samekh]
14 Ŵanthu wo atopa Yehova ndiwu aja nayu pa ubwezi wakukho,+Ndipu iyu watiŵaziŵisa phanganu laki.+
ע [Ayin]
15 Nyengu zosi masu ngangu ngalereska kwaku Yehova,+Pakuti iyu wafwatuwengi maphazi ngangu muchilepa.+
פ [Pe]
16 Lazgisiyani chisku chinu kwaku ini ndipu ndilongoni lisungu,Pakuti nde ndija kweniso palivi wakuti wandiwovyi.
צ [Tsade]
17 Masuzgu nga mtima wangu ngaŵa nganandi;+Ndifwatuweni ku urwirwi wangu.
ר [Resh]
18 Wonani kufyekeka kwangu kweniso masuzgu ngangu,+Ndipu mundigowoke maubudi ngangu ngosi.+
19 Wonani, arwani ŵangu mbanandi ukongwaKweniso atinditinkha ukongwa.
ש [Shin]
20 Vikiliyani umoyu wangu ndipu nditaskeni.+
Mungazomerezanga cha kuti ndilengeseki, pakuti ndabisama mwaku yimwi.
ת [Taw]
21 Kugomezgeka ndipuso kunyoloka vindivikiliyi,+Pakuti ini ndilindizga yimwi.+
22 Yimwi Chiuta, taskani* Isirayeli ku masuzgu ngaki ngosi.
Mazu Ngam'mphata
^ Pamwenga kuti, “ndipereka umoyu wangu kwaku yimwi.”
^ Pamwenga kuti, “Vo vikwamba kali ukongwa.”
^ Mazu ngaki chayingu, “mu cheruzgu.”
^ Mazu ngaki chayingu, “mbewu.”
^ Mazu ngaki chayingu, “womboni.”
