Masalimo 63:1-11
Sumu yaku Davidi, pa nyengu yo wenga muchipululu cha ku Yuda.+
63 Yimwi Chiuta, ndimwi Chiuta wangu, ndipenjapenja yimwi.+
Ndikhumbisiska yimwi nge mo munthu wachitiya asani we ndi nyota.+
Ndazinduka* chifukwa chakukhumbisiska yimwiMucharu chakumira kweniso chakukamuka, cho chilivi maji.+
2 Sonu ndakuwonani mumalu ngakupaturika;Ndawona nthazi zinu ndi unkhankhu winu.+
3 Chifukwa chakuti chanju chinu chambula kumala ntchamampha kuluska umoyu,+Milomu yangu yikukankhuskeningi.+
4 Mwaviyo, ndikuthamikeningi kwa umoyu wangu wosi;Ndisoskengi manja ngangu mu zina linu.
5 Ndakhorwa ndi vinthu vamampha kweniso vamampha ukongwa,*Mwaviyo, mulomu wangu ukuthamikeningi limoza ndi likondwa la pamilomu yangu.+
6 Nditikukumbukani asani nde pabedi langu;Ndilunguruka vakukwaskana ndi yimwi mu maulinda nga usiku.+
7 Pakuti yimwi ndimwi mutindiwovya,+Ndipu ndidaniriza mwakukondwa nde mu mduzi wa mapapa nginu.+
8 Ndidemetere kwaku yimwi;Janja linu lamaryi litindiko mwanthazi.+
9 Kweni wo apenja kunanga umoyu wangu*Asikiyengi mundimba ya charu.
10 Aperekekengi ku nthazi ya lipanga;Yiwu ajengi chakurya cha akambwi.
11 Kweni fumu yikondwengi mwaku Chiuta.
Munthu weyosi yo walapizga mu zina Laki wakondwengi,*Pakuti milomu ya ŵanthu wo alongoro maboza yijengi cheti.
Mazu Ngam'mphata
^ Mazu ngaki chayingu, “Mnofu wangu wamira.”
^ Mazu ngaki chayingu, “nge kuti nde ndi mafuta ndi mafuta ngamampha ukongwa.”
^ Pamwenga kuti, “apenja kundibaya.”
^ Pamwenga kuti, “wajiŵikengemu.”
