Masalimo 94:1-23
94 Yimwi Yehova Chiuta wakuweze,+Yimwi Chiuta wakuweze, ŵalani!
2 Sokani yimwi Wakweruzga wa charu.+
Ŵanthu akujikuzga aweziyeni vo vitiŵayenere.+
3 Yimwi Yehova, kumbi ŵanthu aheni alutirizgengi kukondwa mpaka zuŵanji,Alutirizgengi mpaka zuŵanji?+
4 Yiwu alongoro vinthu vambula fundu ndipuso alongoro mwakujikuzga;Ŵanthu wosi wo achita vinthu viheni atijiŵikamu.
5 Yiwu aphwanya ŵanthu ŵinu yimwi Yehova,+Ndipuso akandirizga chihara chinu.
6 Yiwu abaya vyoko kweniso alendu,Abaya so ŵana ambula awusewu.
7 Yiwu atiti; “Ya wawona cha;+Chiuta waku Yakobe watoliyaku kanthu cha.”+
8 Ziŵani ivi yimwi mwaŵanthu ambula zeru;Yimwi mwaŵanthu akupusa, ndi zuŵanji po mwazamulongo kuti muvwisa vinthu?+
9 Kumbi yo wakupanga* gutu wangavwa cha?
Kumbi yo wakupanga jisu wangawona cha?+
10 Kumbi yo wasambiza mitundu wangachenya cha?+
Iyu ndiyu wapereka zeru ku ŵanthu!+
11 Yehova waziŵa maŵanaŵanu nga ŵanthu,Waziŵa kuti ndi mvuchi ŵaka.+
12 Ngwakukondwa munthu yo mutimuchenya yimwi Ya,+Munthu yo mutimusambiza dangu linu,+
13 Kuti mumupaski chimangu mu mazuŵa nga soka,Mpaka po zenji la munthu muheni lakumbikiya.+
14 Pakuti Yehova waŵajowongi cha ŵanthu ŵaki,+Pamwenga kujowo chihara chaki.+
15 Pakuti cheruzgu chazamuja so chaurunji,Ndipu ŵanthu wosi akunyoloka mtima azakuchilondo.
16 Kumbi ndiyani yo wasokengi mumalu mwaku ini kuti walimbani ndi munthu muheni?
Ndiyani yo wandimiyengi pakulimbana ndi ŵanthu wo achita vinthu viheni?
17 Asani Yehova wanguleka kundiwovya,Ndatingi ndiswerengi cha kumala.*+
18 Ndati ndakamba kuti: “Phazi langu literemuka,”
Chanju chinu chambula kumala chingulutirizga kundiwovya kuti ndileki kuwa, yimwi Yehova.+
19 Vinthu vakufipiska mtima vati vandimala nthazi,*Yimwi mungundipembuzga kweniso mungundisisipuwa.+
20 Kumbi mpandu waufumu wachinyengu ungakoliyana* namwiPenipo utambisa masuzgu mu zina la dangu?+
21 Yiwu ayukiya munthu murunji mwankhaza+Ndipuso ayeruzga munthu wambula mulandu kuti wabayiki.*+
22 Kweni Yehova wajengi malu ngangu ngakuthaŵiyaku ngakuvikilirika,*Chiuta wangu ndi jalawi langu lakuthaŵiyaku.+
23 Iyu waŵaweziyengi ntchitu zawu ziheni.+
Waŵaparanyengi* mwakugwiriskiya ntchitu vinthu viheni vo yiwu achita.
Yehova Chiuta widu waŵaparanyengi.*+
Mazu Ngam'mphata
^ Mazu ngaki chayingu, “wakupanda.”
^ Mazu ngaki chayingu, “kuja cheti.”
^ Pamwenga kuti, “vati vaŵa vinandi mukati mwangu.”
^ Pamwenga kuti, “akulamuliya; akweruzga achinyengu angakoliyana.”
^ Mazu ngaki chayingu, “Ayeruzga kuti ndopa za munthu wambula mulandu zakunanga.”
^ Pamwenga kuti, “malu ngangu ngapachanya ngakuvikilirika.”
^ Mazu ngaki chayingu, “Waŵajalikengi cheti.”
^ Mazu ngaki chayingu, “waŵajalikengi cheti.”
