Nthanthi 2:1-22
2 Wamwana wangu, asani uvwiyengi mazu nganguNdi kusunga marangu ngangu nge chuma,+
2 Mwa kukhazaku gutu laku kuti uvwisiyi zeru+Ndi kuŵika mtima waku pa kuwamu;+
3 Kweniso asani ungadana kuvwisa vinthu+Ndi kudaniriziya kuwamu;+
4 Asani ulutirizgengi kuvipenja nge kuti upenja siliva,+Ndipuso asani ulutirizgengi kuvifufuza nge kuti ufufuza chuma chakubisika;+
5 Uvwisengi vo kopa Yehova kung’anamuwa,+Kweniso umuziŵengi Chiuta.+
6 Pakuti Yehova mweneku wapereka zeru;+Mumulomu mwaki mutuwa kuziŵa vinthu kweniso kuwamu.
7 Ŵanthu akunyoloka watiŵasungiya zeru zakovya;Iyu ntchishangu kwaku wo atenda mwakugomezgeka.+
8 Iyu ndi mulonda wa nthowa za urunji,Kweniso wavikiliya nthowa ya ŵanthu ŵaki akugomezgeka.+
9 Ndipu uvwisengi cho ntchaurunji, chakunyoloka ndipuso chakwenere,Uvwisengi nthowa yosi ya cho ntchamampha.+
10 Asani zeru zasere mumtima mwaku+Kweniso asani umoyu waku wayamba kwanja kuziŵa vinthu,+
11 Lusu la kuŵanaŵana lijengi mulonda waku,+Ndipu kuwamu kukuvikiliyengi,
12 Kuti utaskiki ku nthowa yiheni,Kweniso ku munthu yo walongoro vinthu viheni,+
13 Ndipuso kwaku wo aleka nthowa zakunyolokaKuti ayendi munthowa zamdima,+
14 Kwaku wo akondwa kuchita vinthu viheni,Wo akondwa ndi vinthu viheni ndipuso vachinyengu,
15 Wo nthowa zawu zachinyenguKweniso wo nthowa yawu yosi njauryarya.
16 Zeru zikutaskengi ku munthukazi wankharu yabwekabweka,*Kweniso ku mazu ngakusilirika* nga munthukazi muyaya,*+
17 Yo waleka munyaki* wa pa usungwana waki+Kweniso waluwa phanganu laku Chiuta waki;
18 Pakuti nyumba yaki yisikiya ku nyifwa,Ndipu nthowa zaki zilongozge* ku ŵanthu wo akufwa.+
19 Palivi chinanga njumoza waku wo agonana nayu* yo wawengeku,Pamwenga kusaniya so nthowa za umoyu.+
20 Mwaviyo, londo nthowa ya ŵanthu amamphaNdipuso lutirizga kwenda mu nthowa za ŵanthu arunji,+
21 Chifukwa ŵanthu akunyoloka ndiwu ajengi mucharu,Ndipu ambula kafukwa* alutirizgengi kujamu.+
22 Kweni ŵanthu aheni adumulikengemu mucharu,+Ndipu ŵanthu aryarya atuzgikengemu.+
Mazu Ngam'mphata
^ Mazu ngaki chayingu, “wachilendu.” Viwoneka kuti uyu ndi munthukazi yo nkharu yaki yilongo kuti wakuleka kopa Chiuta.
^ Pamwenga kuti, “ngakukopa.”
^ Mazu ngaki chayingu, “wa mtundu unyaki.” Viwoneka kuti uyu ndi munthukazi yo nkharu yaki yilongo kuti we kutali ndi Chiuta.
^ Pamwenga kuti, “mulumu waki.”
^ Mazu ngaki chayingu, “tinthowa taki tilongozge.”
^ Mazu ngaki chayingu, “asere mwaku iyu.”
^ Pamwenga kuti, “wo alutirizga kuja akugomezgeka.”
