Yesaya 59:1-21
59 Awonani! Janja laku Yehova ndifupi cha kuti lingatondeka kutaska,+Ndipu gutu laki ndakunyota* cha kuti lingatondeka kuvwa.+
2 Awa, kunanga kwinu ndiku kwakupatuskani kwaku Chiuta winu.+
Maubudi nginu ndingu ngachitiska kuti wakubisiyeni chisku chaki,Ndipu wakana kukuvwisiyani.+
3 Pakuti vikufi vinu vanangika ndi ndopa+Ndipu vikumbu vinu vanangika chifukwa cha kunanga kwinu.
Milomu yinu yilongoro maboza,+ ndipu lilimi linu litokotoska vinthu vambula urunji.
4 Palivi munthu yo wadana urunji,+Ndipu palivi yo waluta kukhoti mu uneneska.
Athemba vinthu vo kulivi,+ ndipu alongoro vinthu vambula fundu.
Ame nthumbu ya masuzgu ndipu abala vinthu vakupweteka.+
5 Akonkhomo mazira nga njoka yapoyizoni,Ndipu aluka mtatavu wa duŵiyuŵi.+
Weyosi yo waturya mazira ngawu wafwengi,Ndipu zira lo lasweka likonkhomo chipi.
6 Mtatavu wawu ujengi nge chakuvwala cha,Ndipu angadika cha vo apanga.+
Ntchitu zawu zakupweteka,Ndipu vakuchita vawu vachiwawa ve mu manja mwawu.+
7 Maphazi ngawu ngatchimbiya kuti ngakachiti vinthu viheni,Ndipu athaŵiriya kuchidira ndopa zambula kunanga.+
Maŵanaŵanu ngawu ngakupweteka;Kubwanganduka ndipuso masuzgu ve mu nthowa zawu.+
8 Yiwu atiyiziŵa cha nthowa ya chimangu,Ndipu mu nthowa zawu mulivi urunji.+
Yiwu anyongoro nthowa zawu;Palivi yo watenda mu nthowa zo, yo wazamuziŵa chimangu.+
9 Ndichu chifukwa chaki cheruzgu chakunyoloka che kutali ndi isi,Ndipu urunji utitisaniya cha.
Tilindizga ukweru, kweni awonani! kwe mdima;Tilindizga kuŵala, kweni tilutirizga kwenda mu mdima ukulu.+
10 Tipapaska chimati nge ŵanthu achibulumutiya;Tilutirizga kupapaska nge ŵanthu ambula masu.+
Tiguŵa lumwi le nyee, nge mu mdima wamazulu;Te nge ŵanthu akufwa pakati pa ŵanthu anthazi.
11 Tosi tiwuluma nge vinyama va biyereNdipuso tiliya mwachitima nge njiŵa.
Tilindizga urunji, kweni kulivi;Tilindizga utaski, kweni we kutali ukongwa ndi isi.
12 Kugaruka kwidu nkhukulu pa masu pinu;+Maubudi ngidu ngosi ngatitisuska.+
Pakuti kugaruka kwidu kwe nasi;Tiziŵa umampha kunanga kwidu.+
13 Tananga ndipuso takana Yehova;Tamulazgiya msana Chiuta widu.
Talongoro va kukandirizgika kweniso kugaruka;+Tame nthumbu ya maboza ndipuso tatokotoska mazu ngaboza kutuliya mumtima mwidu.+
14 Cheruzgu chakunyoloka chawezeke vuli,+Ndipu urunji wama patali ukongwa;+Pakuti uneneska waguŵa mubalaza la tawuni,Ndipu chinthu chakunyoloka chitondeka kusere.
15 Uneneska wasoŵa,+Ndipu munthu weyosi yo watuwaku ku vinthu viheni, waparanyika.
Yehova wanguviwona venivi ndipu wangukondwa cha,*Pakuti kwengavi urunji.+
16 Wanguwona kuti pengavi munthu weyosi,Ndipu wanguzizwa kuti pengavi yo wanguŵeyere,Mwaviyo, janja laki linguza ndi utaski,Ndipu urunji waki ungumuwovya.
17 Pavuli paki, wanguvwala urunji nge chakuvwala chamamba ngavisuluNdipuso wanguvwala chisoti cha utaski kumutu kwaki.+
Wanguvwala vakuvwala va kuweze nge vakuvwala vaki+Ndipuso wanguvwala phamphu nge mkhanju.*
18 Iyu waŵapaskengi mphotu chifukwa cha vo achita:+
Ukali ku ŵanthu wo atimutinkha, chilangu kwa arwani ŵaki.+
Ndipu virwa* waviweziyengi mwakukoliyana ndi vo vitenere kuwezeke.
19 Kutuliya kwakuselere lumwi, azamuwopa zina laku YehovaNdipu kutuliya kwakutuliya lumwi, azamuwopa unkhankhu waki,Pakuti iyu wazengi nge msinji wamweza,Wo utendeseka ndi mzimu waku Yehova.
20 “Wakuwombo wazengi ku Ziyoni,+Ku ŵanthu wo ŵe mwaku Yakobe wo atuwaku ku mphulupulu,”+ Yehova ndiyu wakamba.
21 “Kweni ini, phanganu langu ndi yiwu ndi ili,”+ Yehova ndiyu wakamba. “Mzimu wangu wo we paku yiwi, kweniso mazu ngangu ngo ndaŵika mumulomu mwaku, vazamutuzgikamu cha mumulomu mwaku, mumulomu mwa ŵana ŵaku,* pamwenga mumulomu mwa azuku ŵaku,* kwamba sonu mpaka muyaya,” Yehova ndiyu wakamba.
Mazu Ngam'mphata
^ Mazu ngaki chayingu, “ndizitu.”
^ Mazu ngaki chayingu, “ndipu venga viheni mu masu mwaki.”
^ Pamwenga kuti, “mkhanju wapanthuwa.”
^ Anyaki akamba kuti, “vilumba.”
^ Mazu ngaki chayingu, “mwa mbewu yaku.”
^ Mazu ngaki chayingu, “mwa mbewu ya mbewu yaku.”
