Yobu 37:1-24
37 “Chifukwa cha venivi, mtima wangu ugung’uskaNdipu undwika kutuwa mumalu ngaki.
2 Vwisiyani mwakuphwere kupoma kwa mazu ngakiKweniso kugululusa ko kutuwa mumulomu mwaki.
3 Watikutumiza kuti kuluti pasi posi pa kuchanyaKweniso watumiza limphezi laki+ kuvigoti va charu.
4 Pavuli paki, pavwika chiwawa chakukoroma;Wagululusa ndi mazu nga unkhankhu,+Ndipu limphezi watililekesa cha asani mazu ngaki ngavwika.
5 Chiuta wagululusa ndi mazu ngaki mu nthowa yakuziziswa;+Iyu wachita vinthu vikulu vo isi tingavivwisa cha.+
6 Pakuti iyu wakambiya sinoo* kuti, ‘Wiya pacharu chapasi,’+
Kweniso wakambiya chivuwa chikulu kuti, ‘Punguka ukongwa.’+
7 Chiuta walekesa ntchitu zosi za munthu*Kuti munthu weyosi waziŵi ntchitu Zaki.
8 Nyama zamudondu ziluta kunyumba zawuNdipu zilutirizga kuja mumalu ngaki ngakubisamamu.
9 Chimphepu chikulu chiputa kutuliya muchipinda chaki,+Ndipu kuzizira kutuliya ku mphepu za kunkhondi.*+
10 Chifukwa cha mvuchi waku Chiuta, maji ngakhoma,+Ndipu maji nganandi ngamira gwa!+
11 Hinya, mitambu watiyizitiska ndi maji;Ndipu wambininiska limphezi laki mumitambu;+
12 Vizunguliya kwekosi ko iyu wavitumaNdipu vichita chechosi cho wavilamula+ pacharu chapasi;
13 Kwali nkhukhumba kupereka chilangu*+ pamwenga chifukwa cha charuPamwenga chifukwa cha chanju chambula kumala, iyu wachitiska kuti venivi vichitiki.+
14 Vwisiyani ivi yimwi a Yobu;Jani cheti ndi kuŵanaŵaniya mwakuphwere ntchitu zakuziziswa zaku Chiuta.+
15 Kumbi muziŵa mo Chiuta walongozge* mitambuKweniso mo wachitiskiya kuti limphezi ling’animi kutuwa mumtambu waki?
16 Kumbi muziŵa vo vichitika kuti mitambu yiyanjamengi?+
Zenizi ndi ntchitu zakuziziswa zaku Yo waziŵa umampha vinthu vosi.+
17 Ntchifukwa wuli vakuvwala vinu vifundaPa nyengu yo charu che bata chifukwa cha mphepu ya kumwera?+
18 Kumbi yimwi limoza ndi iyu, mungatambasuwa mitambu+Yo njakulama nge gilasi lachisulu?
19 Tikambiyeni vakuti timukambiyi;Tingamumuka cha pakuti te mu mdima.
20 Kumbi tingamukambiya kuti ndikhumba kulongoro?
Pamwenga kumbi walipu yo wakukambapu chinthu chakuti timukambiyi?+
21 Yiwu angawuwona cha ukweru,*Chinanga kuti uŵala ukongwa mumitambu,Mpaka po mphepu yajumphiya ndi kuputisiya kutali mitambu.
22 Kung’anima kwa nge golidi kutuwa kunkhondi;*Unkhankhu+ waku Chiuta ngwakuchitiska mantha.
23 Wanthazizosi tingamuvwisa cha;+Iyu we ndi nthazi zikulu ukongwa,+Ndipu cheruzgu ndi urunji+ waki ukulu wativinanga cha.+
24 Mwaviyo, ŵanthu atenere kumuwopa.+
Pakuti iyu watanjiya weyosi cha yo watijiwona kuti we ndi zeru.”*+
Mazu Ngam'mphata
^ Sinoo ndi maji ngakukhoma ngo ngawoneka tuu nge mche wakusilirika ndipu ngatuwa kutuliya kuchanya.
^ Mazu ngaki chayingu, “wajala janja la munthu weyosi.”
^ Anyaki akamba kuti, “kumpotu.”
^ Mazu ngaki chayingu, “likhwechu.”
^ Pamwenga kuti, “walamuliya.”
^ Kung’anamuwa ukweru wa lumwi.
^ Anyaki akamba kuti, “kumpotu.”
^ Mazu ngaki chayingu, “we ndi mtima wazeru.”
